«Սահմանում հիմա ձեզ սպասում են ավելի քան երբևէ»․ Արցախի նախագահը կոչով դիմել է ժողովրդին (ՎԻԴԵՈ)
12:40
22 Հոկտեմբերի 2020
ԵՐԵՎԱՆ, 22 հոկտեմբերի./Նովոստի-Արմենիա/. Արցախի նախագահ Արայիկ Հարությունյանը ուղերձով դիմել է ժողովորդին առաջնագծի խրամատից:
Загружается новость ... "Лево"
«Սիրելի ՛ հայրենակիցներ
Քիչ առաջ եմ վերադարձել առաջնագծից: Մեր տղաների հետ հանդիպումից հետո որոշել եմ խրամատից հատուկ տեսաուղերձով դիմել մեր ժողովրդին: Այն ներկայացնում եմ ստորև` հավատով, որ բոլորդ մեկ մարդու նման կհետևեք կոչիս, և Աստծո զորությամբ ու յուրաքանչյուրիս անհատական մասնակցությամբ կկարողանանք պատվով դուրս գալ այս փորձությունից»,- նշել է Հարությունյանը՝ Facebook-յան էջում հրապարակելով տեսաուղերձը:
Ներկայացնում ենք ԱՀ նախագահի ուղերձն ամբողջությամբ:
«Ուզում եմ ձեզ դիմել առաջնագծից՝ Աղդամի մատույցներից, հակառակորդից ընդամեննը մի քանի հարյուր մետր հեռավորությունից: Հաղթելու համար մեզ ամենաշատը պետք է հավատալ: Ամենամեծ ուժն ունի հավատքը: Ես հավատում եմ, որ մենք հաղթելու ենք: Ուզում եմ բոլորդ հավատաք, որ հաղթելու ենք:
Ուզում եմ, որ մեր բոլոր եկեղեցիներում ամեն օր աղոթեն մեր նահատակների և, իհարկե, առաջնագծում կանգնած մեր զինվորների համար: Ուզում եմ, որ ամեն հայ արթնանալուց առավոտը աղոթի մեր հաղթանակի համար: Ուզում եմ՝ հավատանք, որ հաղթելու ենք: Ուզում եմ՝ այն մասնականությունը, որ այսօր կա, պահպանվի:
Ուզում եմ, որ բոլորդ գիտակցեք՝ ձեզնից է կախված մեր ազգի ապագան, ուզում եմ, որ ժամ առաջ, օր առաջ կատարեք ձեր Հայրենիքի նկատմամբ պարտքը, հնարավորության դեպքում, այդ պարտքը առաջնագծում: Սահմանում, ձեզ սպասում են ավելի քան երբևէ:
Պատվով կատարեք ձեր հայրենասիրական պարտքը: Սա Հայրենական պատերազմ է: Պետք է հավատալ, ես հավատում եմ: Մենք հաղթելու ենք»,- նշել է Արցախի նախագահը: -0-