544.18
6.38
483.07
+5
Եղանակը Երևանում
Հայ

Ադրբեջանը խոստացել է համարժեք պատասխանել Հայաստանի դրական քայլերին սահմանների դելիմիտացիայի հարցում

16:03
18 Հոկտեմբերի 2021

ԵՐԵՎԱՆ, 18 հոկտեմբերի./Նովոստի–Արմենիա/. Ադրբեջանը համարժեք կպատասխանի Հայաստանի կողմից արված ցանկացած դրական քայլի երկու երկրների սահմանների սահմանազատման և սահմանագծման հարցում։ Այս մասին երկուշաբթի հայտարարել է Ադրբեջանի ԱԳ նախարար Ջեյհուն Բայրամովը քաթարցի գործընկեր Մուհամմեդ բեն Աբդել Ռահման Ալ Թանիի հետ բանակցություններից հետո կազմակերպված ճեպազրույցի ժամանակ, հաղորդում է ՏԱՍՍ–ը։

Загружается новость ... "Право"

«Ադրբեջանը կողմ է (Հայաստանի հետ) հարաբերությունների աստիճանական կարգավորմանը հետկոնֆլիկտային ժամանակաշրջանում միջազգային իրավունքի նորմերի հիման վրա...։ Չափազանց կարևոր է որքան հնարավոր է շուտ սկսել երկու երկրների միջազգայնորեն ճանաչված սահմանների սահմանազատման և սահմանագծման գործընթացը և լուծել այդ հարցերը։ Ադրբեջանն ուշադիր հետևում է գործընթացներին այդ ուղղությամբ։ Եվ այստեղ յուրաքանչյուրը կարող է վստահ լինել, որ հակառակ կողմի ցանկացած դրական քայլ կընդունենք համարժեք, և մեր կողմից կձեռնարկվեն դրական քայլեր», – ասել է Ադրբեջանի ԱԳ նախարարը։

Բայրամովը նշել է Ադրբեջանի, Հայաստանի և Ռուսաստանի առաջնորդների կողմից ստորագրված` Ղարաբաղի հարցով եռակողմ հայտարարությունների, մասնավորապես` հաղորդակցությունների բացման պայմանավորվածության կատարման անհրաժեշտությունը։ Նրա խոսքով, միայն այդ դեպքում հնարավոր է «նորմալ, հարևանական հարաբերությունների» զարգացում երկու երկրների միջև և տարածաշրջանում հանդարտ, կանխատեսելի իրավիճակի ապահովում։–0–

Partners News
Partners News
ԱՌԿԱ գործակալություն
Բաժնի այլ նյութեր
01:39
30 Հոկտեմբերի 2019
ԱՄՆ Ներկայացուցիչների պալատը կողմ քվեարկեց Հայոց ցեղասպանությունը ճանաչող բանաձևին
405` կողմ, 11`դեմ. ԱՄՆ Ներկայացուցիչների պալատն ընդունեց Հայոց ցեղասպանությունը ճանաչող բանաձևը։
14:42
20 Սեպտեմբերի 2019
ՌԴ նախագահ Վլադիմիր Պուտինը շնորհավորական ուղերձ է հղել նախագահ Սարգսյանին
Հայաստանի Հանրապետության անկախության տոնի առթիվ Հանրապետության նախագահ Արմեն Սարգսյանին շնորհավորական ուղերձ է հղել ՌԴ նախագահ Վլադիմիր Պուտինը:
17:21
19 Մարտի 2019
Երևանը Եվրոպայի հրապարակ կունենա. Ավագանին որոշում է կայացրել
Երևանը Եվրոպայի հրապարակ կունենա. Ավագանին որոշում է կայացրել: