548.74
6.28
481.52
-6
Եղանակը Երևանում
Հայ

Փաշինյանը` Պուտինին.ղարաբաղյան հակամարտությունը լուծված չէ (ՎԻԴԵՈ)

21:24
12 Հոկտեմբերի 2021

ԵՐԵՎԱՆ, 12 հոկտեմբերի./Նովոստի–Արմենիա/. ՀՀ վարչապետ Նիկոլ Փաշինյանը Մոսկվայում ՌԴ նախագահ Վլադիմիր Պուտինի հետ հանդիպման ժամանակ հայտարարել է, որ ղարաբաղյան հակամարտությունը մնում է չլուծված։

«Այժմ մեզ մոտ տարածաշրջանում և ընդհանրապես` աշխարհում, տեղի են ունենում դինամիկ գործընթացներ, և շատ կարևոր է, որպեսզի դաշնակիցները հաճախ հանդիպեն, խոսեն։ Իհարկե, ցավոք, մեր տարածաշրջաում դեռևս չի կարելի խոսել իրավիճակի ամբողջական կայունացման մասին...։Ղարաբաղյան հակամարտությունը մնում է չլուծված, և հասկանալի է, որ հակամարտության լուծման և մեր տարածաշրջանում անվտանգության ապահովման գործում Ռուսաստանը խաղում է առանցքային դեր և ԵԱՀԿ Մինսկի խմբի համանախագահն է։ Այս բոլոր հարցերը շատ կարևոր են։ Եվ ես ուրախ եմ ձեզ հետ քննարկել այս ամբողջ օրակարգը», – հայտարարեց ՀՀ վարչապետը։

Փաշինյանն ընդգծեց, որ հաճախ հանդիպումները վկայում են հայ–ռուսական հարաբերությունների բարձր դինամիկայի և ռազմավարական դաշնակցային հարաբերությունների կարևորության փոխադարձ ըմբռնման մասին։

Պուտինը հայտարարեց, որ անձնական հանդիպումները միշտ արդյունավետ են անցնում` անհրաժեշտ արդյունքի հասնելու համար։

«Հուսով եմ, որ այդպես կլինի նաև այս անգամ։ Մենք կխոսենք ֆորմալ և ոչ ֆորմալ մթնոլորտում, կճաշենք, կքննարկենք ընթացիկ հարցեր, կխոսենք հեռանկարների մասին։ Շուտով մեզ մոտ ԱՊՀ գագաթնաժողովն է, ես ևս կցանկանայի «ճշգրտել ժամերը» (ռոսերեն փոխաբերական իմաստով նշանակում է համաձայնեցնել դիրքորոշումները, խմբգր.)», – ասել է ՌԴ նախագահը։

Պուտինը նշել է, որ փոխգործակցության հիմնական հարցն այսօրվա դրությամբ և երկարաժամկետ հեռանկարում կարգավորումն է տարածաշրջանում։–0–

Partners News
Partners News
Ամենակարդացվող
ԱՌԿԱ գործակալություն
Բաժնի այլ նյութեր
01:39
30 Հոկտեմբերի 2019
ԱՄՆ Ներկայացուցիչների պալատը կողմ քվեարկեց Հայոց ցեղասպանությունը ճանաչող բանաձևին
405` կողմ, 11`դեմ. ԱՄՆ Ներկայացուցիչների պալատն ընդունեց Հայոց ցեղասպանությունը ճանաչող բանաձևը։
14:42
20 Սեպտեմբերի 2019
ՌԴ նախագահ Վլադիմիր Պուտինը շնորհավորական ուղերձ է հղել նախագահ Սարգսյանին
Հայաստանի Հանրապետության անկախության տոնի առթիվ Հանրապետության նախագահ Արմեն Սարգսյանին շնորհավորական ուղերձ է հղել ՌԴ նախագահ Վլադիմիր Պուտինը:
17:21
19 Մարտի 2019
Երևանը Եվրոպայի հրապարակ կունենա. Ավագանին որոշում է կայացրել
Երևանը Եվրոպայի հրապարակ կունենա. Ավագանին որոշում է կայացրել: