ԵՐԵՎԱՆ, 25 մայիսի./Նովոստի–Արմենիա/. ՌԴ նախագահ Վլադիմիր Պուտինը նշել է, որ Հայաստանը ԵԱՏՄ–ի շրջանակում համագործակցության գլխավոր շահառուն է։
«Համագործակցությունը ԵԱՏՄ–ի շրջանակում իսկապես բավականին հաջող է առաջ շարժվում։ Ինչպես հենց նոր նշեց Ղազախստանի նախագահը, գլխավոր շահառուն Հայաստանն է, քանի որ Հայաստանում է տնտեսության աճի ամենաբարձր տեմպը», – ասել է Պուտինը` հինգշաբթի ելույթ ունենալով Մոսկվայում անցկացվող Եվրասիական տնտեսական խորհրդի նիստի ժամանակ։
Նա ՀՀ վարչապետ Նիկոլ Փաշինյանից ճշտեց ցուցանիշները, ինչին Փաշինյանը պատասխանեց, որ այս տարի գրանցվել է Հայաստանի ՀՆԱ–ի 12,1%–անոց աճ։
«ՀՆԱ–ի 12,1%–անոց աճն, իհարկե, այնքան լուրջ թիվ է, շատ լուրջ», – նշել է Պուտինն` ընդգծելով, որ Ռուսաստանը գնահատում է համագործակցությունը ԵԱՏՄ–ի բոլոր երկրների հետ։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում