Երևանում հայտնել են Հայաստանի, Ռուսաստանի և Ադրբեջանի փոխվարչապետերի առաջիկա հանդիպման մասին

ԵՐԵՎԱՆ, 17 մայիսի./Նովոստի–Արմենիա/. Տարածաշրջանի հաղորդակցությունների ապաշրջափակման հանձնաժողովի աշխատանքային նիստի շրջանակում Հայաստանի, Ռուսաստանի և Ադրբեջանի փոխվարչապետերի հանդիպումը կանցկացվի մայիսին, հայտնել են ՀՀ փոխվարչապետի գրասենյակից Հանրային հեռուստաընկերության «Լուրեր» հաղորդմանը։


«Նախնական պայմանավորվածությամբ՝ Հայաստանի, Ռուսաստանի և Ադրբեջանի փոխվարչապետների համանախագահությամբ եռակողմ աշխատանքային խմբի հանդիպումը տեղի կունենա այս ամսվա ընթացքում։ Հստակ ամսաթիվը համաձայնեցման փուլում է», – հայտնել են փոխվարչապետ Մհեր Գրիգորյանի գրասենյակից, ով հանձնաժողովի համանախագահներից է։–0–