Բժիշկը նշել է տարածված սխալը կորոնավիրուսի բուժման ժամանակ

ԵՐԵՎԱՆ, 2 նոյեմբերի./Նովոստի–Արմենիա/. Թեթև ախտանիշերից սկսվող վարակը կարող է կտրուկ վերածվել ծանր տեսակի։ Այս մասին հայտարարել է բժիշկ Լյուդմիլա Լապան, գրում է medikforum–ը։ 

Հրատարակությանը տված հարցազրույցում բժիշկը նշել է, որ կորոնավիրուսի բուժման մեջ «պատուհանի» բացթողումը տարածված և վտանգավոր սխալ է։ 

«Ամեն բուժման մեջ կա «պատուհան»` մոտ մեկ շաբաթ, երբ մարդը ճիշտ բուժման դեպքում ավելի արագ է առողջանում։ Հետո իմունիտետը թուլանում է, թունավորումը խորանում է», – պարզաբանել է բժիշկը։

Լապան նշել է, որ հաճախ հիվանդության ժամանակ դիմում են բժշկի կորոնավիրուսի բացասական ախտանիշերի ինտենսիվ ուժեղացման դեպքում։ Այդ ժամանակ ինֆեկցիան կարող է զարգանալ արդեն մոտ 10 օր, այսինքն` փրկարար «պատուհանը» բաց է թողնվում։ 

Բժիշկն ընդգծել է, որ այդ ժամանակը բավարար է, որպեսզի զարգանան օրգանիզմի համար կատաստրոֆիկ բարդություններ։ Երբ մարդիկ զբաղվում են ինքնաբուժմամբ, ընդունում են տարբեր տեսակի դեղամիջոցներ, օրգանիզմի արձագանքը կարող է լինել ամբողջովին անկանխատեսելի։ 

Լապան նշել է, որ նման հանգամանքներում կարող է զարգանալ հետկովիդային համախտանիշ, որի դեպքում մարդը կարող է ամիսներ շարունակ տառապել տարբեր պաթոլոգիաներից` մշտական գլխացավեր, աղեստամոքսային տրակտի խնդիրներ, երիկամների և հոդերի վնասվածք։

Բժիշկը խորհուրդ է տալիս դիմել մասնագետներին ամենաառաջին ախտանիշերի ժամանակ։ 

«Ջերմության բարձրացման դեպքում անպայման պետք է միանգամից դիմել բժշկի, ավելի լավ է հենց նույն օրը», – ասել է նա։–0–