Դիետոլոգները նշել են ամառային կատարյալ ճաշատեսակը

ԵՐԵՎԱՆ, 27 հուլիսի./Նովոստի–Արմենիա/. Ավանդական օկրոշկան կարող է դառնալ կատարյալ դիետիկ ճաշատեսակ ամառվա տապին, եթե բացառենք մի քանի բաղադրիչներ, գրում է «Վերսիա» հրատարակությունը։

Ինչպես նշում են դիետոլոգները, օկրոշկան վիտամինների և օգտակար նյութերի իսկական գանձարան է, քանի որ բաղկացած է թարմ մթերքներից և օգնում է ամրապնդել իմունիտետն ու ազատվել ավելորդ քաշից։

Օկրոշկայի մեջ ավանդաբար ավելացնում են վարունգ, բողկ, կարտոֆիլ, երշիկ, հավ կամ նրբերշիկ, կանաչի, ձու, ոլոռ, կանաչ սոխ, ինչպես նաև կեֆիր կամ կվաս։ Սակայն նման բաղադրությունն այնքան էլ դիետիկ չէ և թույլ չի տալիս ազատվել ավելորդ քաշից։

Բացի այդ, կատարյալ ամառային դիետիկ ճաշատեսակը կարելի է պատրաստել առանց կարտոֆիլի, չէ՞ որ օսլայի մեծ քանակը չի նպաստում ավելորդ քաշից ազատվելուն։ Թթվասերի փոխարեն նախընտրելի է օգտագործել կեֆիր։

Միաժամանակ մասնագետները նշում են, որ չարժե սնվել միայն օկրոշկայով։ Այն կարելի է օգտագործել օրը մեկ անգամ, մնացած ճաշատեսակները պետք է լինեն սովորական, որպեսզի օրվա սննդակարգը լինի բալանսավորված։–0–