«Գլենդեյլ, բարև ձեզ». Տիմատին Black Star Burger է բացում Լոս Անջելեսում (ՎԻԴԵՈ)

ԵՐԵՎԱՆ, 13 նոյեմբերի./Նովոստի–Արմենիա/. Հայտնի ռեփեր Տիմատին Black Star Burger է բացում Լոս Անջելեսում։

Այս մասին ռեփերը հայտնել է Instagram–ի իր էջում` բոլորին հրավիրելով բացմանը։

«Ձեզ սպասում եմ Black Star Burger–ի պաշտոնական բացմանը։ Նրանք, ովքեր ուզում եմ փորձել քաղաքի ամենահյութեղ, ամենահզոր բուրգերները, սպասում եմ ձեզ բոլորիդ։ Պատրաստում եմ ինքս, կերակրում եմ ողջ քաղաքին անվճար։ Կտեսնվենք», – ասել է Տիմատին հրապարակված տեսանյութում։

Instagram–ի հրապարակման մեջ Տիմատին նաև գրել է. «Գլենդեյլ, բարև ձեզ»։

Նշենք, որ այս ամառ Երևանում բացվեց Black Star Burger։ Ռեստորանը տեղակայված է Հանրապետության Հրապարակի մոտակայքում։ Black Star Burger Yerevan–ի բացումը դարձավ նշանակալի իրադարձություն ոչ միայն երևանցիների, այլև մայրաքաղաքի հյուրերի համար, ովքեր պարզապես «գրոհեցին» ռեստորանը։ Ավելի վաղ հաղորդվում էր, որ Տիմատին գնել է Երևանում հայտնի «Մարկո Պոլո» ռեստորանը, գործարքի արժեքը կազմել է 5 մլն դոլար։–0–

View this post on Instagram

A post shared by Black Star (@timatiofficial) on Nov 11, 2019 at 3:56pm PST