Ստեղծվել է առցանց հաշվիչ, որը կանխատեսում է բարդությունների ռիսկը COVID-19–ի դեպքում

ԵՐԵՎԱՆ, 16 մայիսի./Նովոստի–Արմենիա/. Չինացի գիտնականները մշակել են մոդել, որի օգնությամբ կարելի է կանխատեսել, թե արդյոք պացիենտը կունենա բարդություններ կորոնավիրուսի դեպքում, թե ոչ։

Մոդելի հիման վրա բժիշկները ստեղծել են առցանց հաշվիչ, որի օգնությամբ ցանկացած մարդ կարող է իր համար հաշվել այդ բարդությունների հավանականությունը։

Ինչպես հաղորդում է ՏԱՍՍ–ը, մոդելի նկարագրությունը հրապարակել է JAMA Internal Medicine գիտական ամսագիրը, որի մասին հակիրճ գրել է Xinhua–ն։

Երկրորդ փուլում գիտնականները մոդելը թեստավորել են 710 պացիենտի վրա։ Մոդելի կանխատեսման ճշգրտությունը գերազանցել է 88%–ը։ Այն արդեն օգտագործել են մի քանի հիվանդանոցներում։ Գիտնականներն այդ մոդելի հիման վրա ստեղծել են առցանց հաշվիչ, որի օգնությամբ հնարավոր է հաշվարկել հիվանդացության ծանր դեպքերի զարգացման ռիսկը։–0–