ԵՐԵՎԱՆ, 28 հուլիսի․ /Նովոստի-Արմենիա/․ Ամերիկահայ հայտնի հեռուստաաստղ և գործարար Քիմ Քարդաշյանը լաց է եղել ամուսնու՝ ռեփեր, դիզայներ Քանյե Ուեսթի հետ հանդիպման ժամանակ, հաղորդում է
Daily Mail-ը:
Նշվում է, որ զույգը հանդիպել է Վայոմինգում, որպեսզի քննարկեն իրենց ընտանեկան ճգնաժամը Ուեսթի՝ Twitter-ում կատարած սկանդալային գրառումից հետո։
Քիմն ու Քանյեն առաջին անգամ են հայտնվել տեսախցիկների առջև, Ուեսթի առաջին ձախողված հավաքից հետո, որի ժամանակ նա հայտարարել էր, որ ԱՄՆ նախագահի իր թեկնածությունը քիչ հավանական է:
Загружается новость ... "Лево"
Այն բանից հետո, երբ Ուեսթը որոշեց առաջադրվել Ամերիկայի նախագահի պաշտոնում, նա սկսեց պրովոկացիոն գրառումներ կատարել Twitter- ում: Ռեփերին
հայտնել է, որ խնդրել է Քիմին հղիության արհեստական ընդհատում կատարել, երբ նա առաջին անգամ հղիացել է, ասել է, որ արդեն մի քանի տարի է, ինչ ինքը փորձում է բաժանվել Քարդաշյանից՝ վերջինիս դավաճանության պատճառով:
Քանյեն նաև սպառնացել է Քիմին և նրա ընտանիքին, որ եթե նրանք չդադարեցնեն իրեն պարտադրաբար բուժման ուղարկելու փորձերը, ապա ինքը կբացահայտի Քարդաշյանների ընտանեկան գաղտնիքները: Քիմը որոշ ժամանակ լռել է, հետո
հայտնել է, որ ամուսինը տառապում է երկբևեռ խանգարմամբ և խնդրել է բոլորին՝ ըմբռնումով մոտենալ դրան։
Այս սկանդալային գրառումներից հետո Ուեսթը հրապարակավ
ներողություն էր խնդրել կնոջից:
«Ես ցանկանում են ներողություն խնդրել իմ կնոջից՝ Քիմից, անձնական բնույթի հրապարակային հայտարարություն անելու համար: Ես նրան չեմ պաշտպանել այնպես, ինչպես նա՝ ինձ: Ցանկանում եմ ասել Քիմին՝ գիտեմ, որ ցավ եմ պատճառել քեզ: Խնդրում եմ, ներիր ինձ: Շնորհակալ եմ, որ միշտ իմ կողքին ես»,- գրել է Ուեսթը Twitter-ում:
Քաջատեղյակ աղբյուրի փոխանցմամբ՝ ռեփերը թեթևություն է զգում կնոջից ներողություն խնդրելուց հետո և ցավում է, որ նման ինտիմ պահեր է հրապարակայնացրել։
«Նա լավ է հասկանում, որ ցավեցրել է Քիմին։ Նա իրեն շատ վատ է զգում դրանից։ Ակնհայտ է, որ նա դեռ սիրում է կնոջը»,- նշել է աղբյուրը՝ աստղի շրջապատից։-0-
