ԵՐԵՎԱՆ, 19 հուլիսի. /Նովոստի-Արմենիա/. Մարդու առողջությունը ուղղակի կապ ունի նրա հետ, թե ինչից է բաղկացած նրա ամենօրյա սննդակարգը:
Загружается новость ... "Лево"
Fitnessi.ru կայքը ներկայացնում է աշխարհի 15 ամենաօգտակար մթերքը: Դրանցից յուրաքանչյուրի օգտագործումը կանխարգելում է բազմաթիվ հիվանդություններ, այդ թվում նաև քաղցկեղը: Դրանցից շատերն ուժեղ հակաօքսիդանտներ են, ուստի օգնում են պաշտպանել օրգանիզմի բջիջները ազատ ռադիկալների վնասակար ներգործությունից:
Այս մթերքն անգնահատելի արժեք է ներկայացնում մեր օրգանիզմի համար: Ավելի լավ է գնել փոքր-ինչ թանկը, բայց որակյալը և օգտակարը, քան սնվել կիսաֆաբրիկատներով և հետո գումար վատնել դեղորայքի վրա:
1. Ծիրան
Ծիրանի բաղադրության մեջ առկա է բետա-կարոտին, որը թույլ չի տալիս ազատ ռադիկալներին քայքայել օրգանիզմի ներքին կառուցվածքը:
2. Ավոկադո
Չնայած, որ ավոկադոն շատ ճարպոտ միրգ է, ինչի պատճառով այն նաև անվանում են անտառային կարագ, այն անասելի օգտակար է մարդու օրգանիզմի համար: Օլեինաթթուն, չհագեցած ճարպերը, որոնք առկա են այս մրգում, նվազեցնում են խոլեստերինի մակարդակը և ավելացնում բարձր խտության ճարպասպիտակուցների քանակը: Այս միրգը կանխարգելում է ինֆարկտի ռիսկը:
3. Ազնվամորի
Ազնվամորին հարուտս է էլաջիկ թթվով, որն օգնում է կանգնեցնել քաղցկեղային բջիջների աճը: Հատապտուղը հարուստ է նաև C վիտամինով:
4. Մանգո
Միջին չափի մանգոն պարունակում է շուրջ 57 մգ վիտամին C, ինչը կազմում է օրական մարդուն անհրաժեշտ սպառման նորման: Այս հակաօքսիդանտն օգնում է կանխարգելել արտրիտները և նպաստում է վերքերի բուժմանը, ինչպես նաև ամրացնում է իմունային համակարգը:
5. Մշկային սեխ
Սեխում պարունակվող վիտամին C-ն և բետա կարոտինը երկու շատ ուժեղ հակաօքսիդանտներ են, որոնք օգնում են պաշտպանել օրգանիզմի բջիջներն ազատ ռադիկալների բարձր ակտիվության հետ կապված վնասից:
6. Լոռամրգի հյութ
Լոռամրգի հյութն օգնում է պայքարել միզապարկի վարակների դեմ` խոչընդոտելով մանրէների աճին: Մեկ բաժակ լոռամրգի հյութը կարունակում է ընդամենը 144 կալորիա: Լոռամրգի հյութը և դրանից պատրաստված տարատեսակ ըմպելիքներն օժտված են միզամուղ ուժեղ հատկություններով:
7. Լոլիկ
Ամենաուժեղ կարոտինոիդներից լիկոպենը պարունակվում է լոլիկներում: Այն ազդում է ինչպես հակաօքսիդանտ: Հետազոտությունները ցույց են տալիս, որ լոլիկները նվազեցնում են միզապարկի, ստամոքսի հիվանդությունների զարգացման վտանգը, ինչպես նաև ամեն օր լոլիկի օգտագործումը 50 տոկոսով նվազեցնում է հաստ աղու քաղցկեղի հավանականությունը: Պետք է առանձին նշել նաև, որ ջերմային մշակման ենթարկելուց հետո լոլիկի լիկոպենը ոչ միայն չի քայքայվում, այլ դրա ազդեցությունն ավելի է ուժեղանում:
8. Չամիչ
Այս փոքրիկ մարգարիտները երկաթի գլխավոր աղբյուրն են, որն օգնում է հյուսվածքներին թթվածին հասցնել:
9. Թուզ
Թուզը կալիումի և ածխաջրերի լավ աղբյուր է: Բացի այդ, այն պարունակում է վիտամին B6, որը պատասխանատու է սերոտոնինի` «հաճույքի հորմոնի» արտադրության համար:
10. Կիտրոն
Կիտրոնը մեջ պարունակում է լիմոնեն և վիտամին C, որն օգնում է կանխարգելել քաղցկեղը: Կիտրոնն օժտված է շատ ցածր կալորիականությամբ, չունի ճարպեր և ածխաջրեր: Այն առավել օգտակար է կեղևով օգտագործելու դեպքում, քանի որ բոլոր օգտակար հատկությունները կուտակված են հենց կեղևի մեջ:
11. Սոխ
Սոխը հարուստ է կվերցիտինով` ամենաուժեղ ֆլավոնոիդով: Հետազոտությունները ցույց են տվել, որ սոխը նվազեցնում է քաղցկեղի զարգացման հավանականությունը:
12. Կանկար
Առաջին հայացքից այս արտասովոր բանջարը պարունակում է ոչ քիչ քանակի սիլիմարին` հակաօքսիդանտ, որը նվազեցնում է մաշկի քաղցկեղի ռիսկը: Բացի այդ, բջջանյութը վերահսկում է արյան մեջ խոլեստերինի քանակը:
13. Ծլեցրած ցորեն
Մեկ ճաշի գդալը պարունակում է օրվա ընթացքում անհրաժեշտ մագնեզիումի 7 տոկոսը, որը կանխարգելում է մկանային ջղակծկումների առաջացումը: Բացի այդ, ցորենը վիտամին E-ի լավ աղբյուր է:
14. Ոսպ
Ոսպը (պարունակում է իզոֆլավոններ (Isoflavones)) օժտված է չարորակ բջիջները «ճնշելու» հատկությամբ և պարունակում է բջջանյութ, որը բարելավում է ողջ օրգանիզմի աշխատանքը:
15. Խեցգետնակերպեր (կակղամորթեր, միդիա)
B12 վիտամինը, որը պարունակվում է այս ծովամթերքում, աջակցում է նյարդերի գործունեությանը և մտավոր ունակություններին: Բացի այդ, դրանցում առկա է երկաթ, մագնեզիում և կալիում, որոնք անհրաժեշտ են մեր օրգանիզմին:
Օգտագործեք այս մթերքները ձեր սննդակարգում, և ձեր առողջությունն ապահովված կլինի: -0-
