Ծրագիր «երազանքների» մասին. Փաշինյանը ներկայացրել է տեսլականն այն մասին, թե ինչպիսին պետք է լինի Հայաստանը 50 տարի անց (ՎԻԴԵՈ)

ԵՐԵՎԱՆ, 21 սեպտեմբերի./Նովոստի-Արմենիա/. ՀՀ վարչապետ Նիկոլ Փաշինյանը Անկախության օրը ներկայացրել է մինչև 2050 թ. Հայաստանի վերափոխման ռազմավարությունը: 

Վարչապետը հայտնել է, մինչ օրս պետական մակարդակի վրա չի եղել պատկերացում այն մասին, թե ինչպիսին պետք է լինի պետությունը 30 տարի անց, և հիմա իրենք ջանում են լրացնել այդ բացը:

«Սա տեսլականի վրա հիմնված հավակնություն է, ոչ թե կանխատեսելի պարտավորություն և պլան, այսպիսով մենք ձևակերպում, բարձրաձայնում ենք մենք հավակնությունը, որը, եթե ոչ պաշտոնական լեզվով ձևակերպելու լինենք, կարելի է ձևակերպել նաև որպես երազանք»,- նշել է վարչապետը:

Փաշինյանի խոսքով, ռազմավարությունը հիմնվում է ազգային արժեքների վրա, որոնցից նա առանձնացրել է հիմնական չորսը, որոնք պետք է գործնական նշանակություն ունենան ռազմավարության իրագործման համար. հայոց պետականություն, կրթություն, անհատ, աշխատանք: Ըստ որում վարչապետը արձանագրել է այս արժեքների միջև փոխկապակցվածությունը, որոնք միասին կհանգեցնեն սահմանված նպատակների հասնելը:

Այնուհետև Փաշինյանը ներկայացրել է մինչև 2050 թվականի ռազմավարության տեսլականը.

-       ՀՀ բնակչությունը հասցնել մինչեւ առնվազն 5 մլն-ի

-       Ստեղծել 1,5 մլն աշխատատեղ

-       Հաղթահարել աղքատությունն աշխատանքով

-       20-ապատկել Հայաստանի ՀՆԱ-ն

-       7-նապատկենք միջին աշխատավարձը

-       Հաջորդը մինչեւ 2050 թվականը ունենանք մեկ շնչի հաշվով աշխարհի ամենամարտունակ բանակը

-       Ունենանք աշխարհի 10 ամենաարդյունավետ հետախուզական ծառայություններից մեկը

-       Սովորելը դարձնենք ազգային ապրելակերպ

-       Հայաստանը դարձնենք բարձր տեխնոլոգիական արդյունաբերության երկիր

-       Ունենանք 10 մլրդ դոլար և ավելի արժեքով առնվազն 5 տեխնոլոգիական ընկերություն և առնվազն 10 հազար աշխատող ստարտափ

-       Ունենանք առողջ շրջակա միջավայրով, կլիմայադիմացկուն և էներգաարդյունավետ  Հայաստան

-       Նվաճենք 25 օլիմպիական ոսկե մեդալ

-       Ֆուտբոլի հավաքականը դարձնենք աշխարհի կամ Եվրոպայի մեդալակիր

-       Նվաճենք շախմատի աշխարհի անհատական չեմպիոնի կոչումը

-       Հայաստան այցելով զբոսաշրջիկների թիվը հասցնենք 15 մլն-ի»

Նաև Փաշինյանը մինչև 2050թ-ի ռազմավարության շրջանակում նշել է 16 մեգանպատակ

• Կիրթ և կարողունակ քաղաքացի, ժողովուրդ

•  Երկրորդ մեգանպատակը պաշտպանված Հայաստան ունենալն է

• Արդյունավետ և հաշվետու կառավարում

• Առողջ և ապահով քաղաքացի, ժողովուրդ

• Բազմազավակ և բարեկեցիկ ընտանիք

• Իրավական Հայաստան

• Մշակված արտադրանքի զանգվածային արտահանում

• Մաքուր և կանաչ Հայաստան

• Տարածքային և խելամիտ զարգացում

• Արտադրողական և պատասխանատու ֆերմերություն

• Մեծ հայրենադարձություն և ինտեգրում

• Աշխարհի հետ կապված Հայաստան

• Վերականգնվող և հանրամատչելի էներգիա

• Գործարարների համար գրավիչ Հայաստան

• Գիտելիքահեն Հայաստան

• Եվ ճանաչված, հարգված և հյուրընկալ Հայաստան: