ԵՐԵՎԱՆ, 28 մարտի./Նովոստի-Արմենիա/. Շոգ եղանակը կարող է օգնել ոչնչացնելու կորոնավիրուսային վարակը, բայց Ռուսաստանում հիմա այն բավականաչափ տաք չէ, համարում է ՌԴ առողջապահության նախարար Միխայիլ Մուրաշկոն:
Загружается новость ... "Лево"
«Արևն իսկապես կանխում է կորոնավիրուսի տարածումը, բայց ոչ այն ջերմաստիճանի դեպքում, որն այսօր կա: Մոսկվայի ներկայիս ջերմաստիճանը բավարար չէ կորոնավիրուսի տարածումը կանգնեցնելու համար»,- հայտնել է Առողջապահության նախարարը TikTok-ում ուղիղ հեռարձակման ժամանակ, հաղորդում է life.ru-ն:
Նախարարի խոսքով, վարակի համար օպտիմալ ռեժիմը +6...+8-ի սահմաններում ջերմաստիճանն է: Նա նշել է, որ «կորոնավիրուսի ապաակտիվացումը» հնարավոր կլինի դիտարկել, երբ Մոսկվայում օդը տաքանա մոտավորապես մինչև 23-25 աստիճան: -0-