Նոր փուլ ֆուտբոլային աշխարհում. 41–ամյա Անդրեա Պիռլոն գլխավորեց «Յուվենտուսը» (ՖՈՏՈ)

ԵՐԵՎԱՆ, 8 օգոստոսի./Նովոստի–Արմենիա/. Հայտնի ֆուտբոլիստ Անդրեա Պիռլոն նշանակվեց Թուրինի «Յուվենտուսի» գլխավոր մարզիչ։

Այս մասին նշվում է «ծեր սինյորայի» պաշտոնական կայքում։

Նշենք, որ այսօր Մաուրիցիո Սարին ազատվեց «Յուվենտուսի» գլխավոր մարզչի պաշտոնից Չեմպիոնների լիգայում ակումբի ելույթը տապալելու համար:

View this post on Instagram

A post shared by Andrea Pirlo Official (@andreapirlo21) on Jul 31, 2020 at 11:43am PDT

Ինչպես նշվում է ակումբի պաշտոնական կայքում, 41-ամյա Անդրեա Պիռլոն ծնվել է Իտալիայի Բրեշիա գավառի Ֆլերո քաղաքում։ Պիռլոն ունեցել է լեգենդար կարիերա որպես խաղացող։ Նա հաղթանակ է տարել յուրաքանչյուր մրցաշարում` սկսած Չեմպիոնների լիգայից մինչև 2006 թ. Աշխարհի գավաթ:

«Այսօր սկսվում է իր կարիերայի նոր փուլը ֆուտբոլի աշխարհում, ինչպես ասվեց գրեթե մեկ շաբաթ առաջ` Մաեստրոյից մինչև Միստեր», – նշվում է ակումբի կայքում։

Անդրեա Պիռլոն այսօր ստորագրեց երկամյա պայմանագիր` մինչև 2022 թվականի հունիսի 30-ը:–0–