ԵՐԵՎԱՆ, 9 սեպտեմբերի./Նովոստի–Արմենիա/. «Շիրակի» ֆուտբոլային ակումբի ֆուտբոլիստ և 44–ամյա պատերազմի հերոս Լեռնիկ Ղազարյանը հայտնվել է կոմայի մեջ սեպտեմբերի 5–ին տեղի ունեցած ավտովթարի հետևանքով։
Ինչպես նշվում է ակումբի Facebook–յան էջում, «Էրեբունի» ԲԿ–ի մասնագետներն Աստծո զորակցությամբ պայքարում են ֆուտբոլիստի կյանքը փրկելու համար։
«Երեկ երեկոյան տեղի է ունեցել իսկական հրաշք, Լեռնիկի մոտ գրանցվել է դրական դինամիկա, և նա հարազատների և ընկերների կոչերին ի պատասխան, ցույց է տվել արձագանք», – նշվում է հաղորդագրության մեջ։
Ֆուտբոլային ակումբից նաև նշել են, որ մաղթում ենք առողջություն և աղոթում նրա համար։–0–