ԵՐԵՎԱՆ, 23 փետրվարի./Նովոստի-Արմենիա/. Այսօր՝ փետրվարի 23-ին Լաս Վեգասում կկայանա Ռուսաստանը ներկայացնող հայազգի բռնցքամարտիկ Պետրոս Անանյանի և լատինոամերիկացի բռնցքամարտիկ Սուբրիել Մատիասի մենամարտը, հաղորդում է "Известия"-ն:
Անանյան-Մատիաս հանդիպումը տեղի կունենա կես տարի անց այն ողբերգական մենամարտից, որի ժամանակ Մատիասի հասցրած հարվածներից մահացել էր ռուս բռցքամարտիկ Մաքսիմ Դադաշևը:
Ռուս բռնցքարամտիկ Դենիս Լեբեդևը ներկակացրել է, թե ինչ սպասումներ կան Անանյան-Մատիաս մենամարտից:
«Սա սպորտ է, հաղթել ցանկանում են բոլորը: Նրանք երկուսն էլ բնավորությամբ տղաներ են: Բայց Դադաշևի ողբերգությունը, միևնույնն է, կլինի մեր բռնցքամարտիկի ենթագիտակցության մեջ»,- նշել է Լեբեդևը РЕН ТВ-ի հետ զրույցում:
Նրա խոսքով, կատարվածը ողբերգություն է, սակայն «պրոֆեսիոնալ սպորտի ճշմարտությունն է»:
Անանյանի և Մատիասի հանդիպումը ցուցադրելու է РЕН ТВ հեռուստաալիքը:
Պետրոս Անանյանը ռուսաստանաբնակ հայազգի բռցքամարտիկ է, Ռուսաստանի սպորտի վարպետ, միջին քաշային կարգում IBF International վարկածով աշխարհի 2017թ.-ի չեմպիոն:
Սուբրիել Մատիասը պուերտոռիկացի բռնցքամարտիկ է: 2019թ.-ի հուլիսին իր և Դադաշևի մենամարտը ողբերգական ավարտ է ունեցել: Ռուսաստանցին մենամարտից հետո կորցրել է գիտակցությունը և հոսպիտալացվել: Նրա մոտ ախտորոշվել է ուղեղի այտուց: Չնայած կատարված վիրահատությանը, բռնցքամարտիկի կյանքը չի հաջոցվել փրկել: -0-