Մխիթարյանը վերադարձել է. «Ռոման» ջախջախիչ պարտության մատնեց թուրքական թիմին (ՎԻԴԵՈ)

ԵՐԵՎԱՆ, 29 նոյեմբերի./Նովոստի–Արմենիա/. Իտալական «Ռոմա» ակումբը 0:3 հաշվով ջախջախիչ հաղթանակ է տարել թուրքական «Ստամբուլ Բաշակշեխիր» ակումբի նկատմամբ: Այս մասին հայտնում է ՈւԵՖԱ-ի մամուլի ծառայությունը:

30-րդ րոպեին առաջին գոլը խփել է Ժորդան Վերետուն, 41-րդ րոպեին` Ջասթին Կլյույվերտը, իսկ 3-րդ գնդակը` Էդին Ջեկոն (ավելացված ժամանակում` 45+1): Հայաստանի հավաքականի ավագ և կիսապաշտպան Հենրիխ Մխիթարյանը խաղադաշտ է դուրս եկել 72-րդ րոպեին` փոխարինելով Էդին Ջեկոյին: Սա նրա առաջին խաղն էր երկամսյա ընդմիջումից հետո:

Հիշեցնենք, որ սեպտեմբերի 29-ին Իտալիայի Ա Սերիայի 6-րդ տուրի «Լեչե»-«Ռոմա» հանդիպման 87-րդ րոպեին Հայաստանի ազգային հավաքականի կիսապաշտպան Հենրիխ Մխիթարյանը վնասվածք էր ստացել և լքել խաղադաշտը։ Մխիթարյանի մոտ ախտորոշվել էր ազդրի երկար արբերիչ մկանի մասնակի վնասվածք։

Dal settore dei tifosi dell’Istanbul Basaksehir viene lanciato un oggetto contro #Pellegrini. Il trequartista ha perso sangue dalla testa.

#IBFKRoma #ASRoma #UEL pic.twitter.com/X1rok2lKSl

— Jacopo Aliprandi (@AliprandiJacopo) November 28, 2019