Tour de Armenia. Հայաստանում առաջին անգամ Tour de France հեծանվային մրցույթի նման մրցույթ կանցկացվի

ԵՐԵՎԱՆ, 7 մայիսի./Նովոստի–Արմենիա/. Հայաստանում առաջին անգամ Tour de France հեծանվային մրցույթի նման մրցույթ կանցկացվի, այն կկոչվի Tour de Armenia, երեքշաբթի ասուլիսի ժամանակ ասաց ՀՀ սպորտի և երիտասարդության հարցերի նախարար Գաբրիել Ղազարյանը։

Ղազարյանի խոսքով, մրցույթը կանցկացվի Հայաստանում վեց փուլով երկրի գրեթե բոլոր մարզերում։

«Վաղուց էինք նախատեսել կազմակերպել նմանատիպ միջոցառում Հայաստանում, և ահա վերջապես այն դառնում է իրականություն», – ասաց Ղազարյանը։

Նրա խոսքով, նման մրցույթներ անցկացվում են աշխարհի տարբեր երկրներում, և Հայաստանը նախատեսում է հետագայում բաց չթողնել նման հնարավորությունն ու շարունակել Tour de Armenia–ն` աստիճանաբար ընդլայնելով մասնակիցների աշխարհագրությունը։

Նա նաև ընդգծեց, որ հեծանվային մրցույթի երթուղին, ինչպես նաև այլ մանրամասներ կներկայացվեն ավելի ուշ։ –0-