ԵՐԵՎԱՆ, 7 ապրիլի./Նովոստի–Արմենիա/. ՀՀ պաշտպանության նախարարությունը մեկնաբանել է այն փաստը, որ Հայաստանը հեռացվել է «Defender 2023» բազմազգ զորավարժության մասնակից երկրների ցանկից։
«ՀՀ պաշտպանության նախարարությունը ընթացիկ տարում պլանավորում է մասնակցել Եվրոպայում ԱՄՆ ցամաքային զորքերի հրամանատարության կողմից կազմակերպվող 2 այլ զորավարժությունների՝ KFOR (Կոսովոյի ուժեր) և Saber Junction (Միաձուլված սուր) զորավարժություններին», – հայտնել է ՊՆ մամուլի քարտուղար Արամ Թորոսյանը
«Արմենպրեսին»։
Ապրիլի 22-ին մեկնարկող Defender 23 զորավարժություններին կմասնակցի մոտ 9000 ամերիկացի զինծառայող։ Այն ամենամյա, գրեթե երկու ամիս տևողությամբ զորավարժություն է, որը կենտրոնանում է ԱՄՆ-ում տեղակայված ուժերի ռազմավարական տեղակայման, նախապես տեղակայված պաշարների օգտագործման և եվրոպական դաշնակիցների և գործընկերների հետ փոխգործունակության խնդիրների վրա:–0–