Ալեն Սիմոնյանն ԱԺ–ում ծաղիկներ նվիրեց ու համբուրեց Նաիրա Զոհրաբյանին (ՎԻԴԵՈ)

ԵՐԵՎԱՆ, 8 մայիսի./Նովոստի–Արմենիա/. ԱԺ–ում այսօր իսկական թեժ օր էր։

Այս օրը նշանավորվեց ոչ միայն տխուր միջադեպով` ծեծկռտուքով, այլև բարի և ուրախ։

ԱԺ փոխխոսնակ Ալեն Սիմոնյանը ծաղիկներ նվիրեց «Բարգավաճ Հայաստան» խմբակցության պատգամավոր Նաիրա Զոհրաբյանին։

«Տիկին Զոհրաբյան, ես պետք է քննադատեմ ձեզ։ Օրեր առաջ դուք ինձ քննադատեցիք, և ես ձեզ ասացի, որ միշտ պատրաստ եմ ձեզնից լսել ձեր խորհուրդը։ Եվ հիմա ուզում եմ դրա առարկայական արդյունքը նաև ներկայացնել», – ասաց Ալեն Սիմոնյանը։

Նա գնաց ԱԺ ամբիոնից և իր հետ բերեց կարմիր վարդերի մեծ փունջ, որը հանձնեց Նաիրա Զոհրաբյանին` գրկելով նրան ու շնորհավորելով ծննդյան օրվա կապակցությամբ։

Նա ներողություն խնդրեց սոցիալական հեռավորություն չպահպանելու համար։

«Ձեռ փորձառնությունը, ձեր գեղեցկությունն այս դահլիճում թող անսպառ լինի, շնորհավոր տիկին Զոհրաբյան, լավ եղեք», – ասաց Ալեն Սիմոնյանը։–0–