Անվտանգության խորհրդի նիստն ավարտվեց, ուժային կառույցների ղեկավարները շտապ հեռացան կառավարության շենքից (ՎԻԴԵՈ)
16:54
13 Մայիսի 2021
ԵՐԵՎԱՆ, 13 մայիսի./Նովոստի–Արմենիա/. Կառավարության հերթական նիստից հետո հրավիրված Անվտանգության խորհրդի նիստն ավարտվեց։
Սակայն ուժային գերատեսչությունների ներկայացուցիչները, այդ թվում`ԶՈւ ԳՇ պետ Արտակ Դավթյանը, շտապ հեռացան կառավարության շենքից։
Լրագրողների հարցերը, որոնք մասնավորապես վերաբերում էին նրան, թե ինչպես է ադրբեջանական ԶՈւ–ին հաջողվել Սյունիքում 3,5կմ առաջ անցնել և որտե՞ղ էր այդ ժամանակ հայկական բանակը, մնացին անպատասխան։
Загружается новость ... "Лево"
Նիստին մասնակցում էր նաև առողջապահության նախարարի պ.կ. Անահիտ Ավանեսյանը, ով Անվտանգության խորհրդի անդամ չէ։ Ավանեսյանը ձեռնպահ մնաց մեկնաբանություններից։
Հայկական ԶԼՄ–ներում և սոցցանցերում չորեքշաբթի հայտնվեցին տեղեկություններ այն մասին, որ Սյունիքի մարզի Սև լճի մոտակայքում ադրբեջանական ԶՈւ–ն առաջ է շարժվել Վերիշեն բնակավայրի ուղղությամբ։ Հաղորդվում էր նաև վիրավորների մասին։ ՊՆ–ն իր հերթին հայտնեց, որ մայիսի 12-ի վաղ առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում։ Հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։ Այս պահին ընթանում են բանակցություններ՝ ստեղծված իրավիճակը հարթելու ուղղությամբ։
2020թ.–ի նոյեմբերի 9–ին Արցախում ռազմական գործողությունների դադարեցման մասին հայտարարության ստորագրումից հետո Հայաստանի և Ադրբեջանի շփման գիծը Սյունիքում և Գեղարքունիքում երկարացել է մոտ 500կմ–ով։–0–
Հայաստանում 2023 թվականի հունվար-սեպտեմբերին ծնելիության մակարդակը, 2022 թվականի նույն ժամանակահատվածի համեմատ, աճել է 2,6 տոկոսով։ Այս մասին են վկայում Հայաստանի ազգային վիճակագրական կոմիտեի հրապարակած տվյալները