ԵՐԵՎԱՆ, 19 նոյեմբերի./Նովոստի–Արմենիա/. «ԱրմԴայվինգ» ՀԿ-ն իր Facebook–յան էջում հիասքանչ լուսանկարներ է հրապարակել Սևանա լճի հատակից:
Լուսանկարներում պատկերված է լճի բուսական ու կենդանական աշխարհը:
Նշենք, որ Շրջակա միջավայրի նախարարության «Սևան» ազգային պարկ» ՊՈԱԿ-ի և «ԱրմԴայվինգ սուզորդների ակումբ» ՀԿ-ի միջև կնքվել է փոխըմբռնման հուշագիր, որի շրջանակներում երկու կողմերը պետք է միավորեն իրենց ջանքերն ու միջոցները՝ Սևանա լճի ստորջրյա ավազանի ուսումնասիրության, լճի հատակում առկա ձկնորսական պոլիէթիլենային ցանցերի հայտնաբերման և դուրս բերման, Սևանա լճի և նրա հարակից տարածքների մաքրման ուղղությամբ:
ԱրմԴայվինգը ոչ առևտրային կազմակերպություն է, որի նպատակն է զարգացնել դայվինգը Հայաստանում։ Սկզբում դա արկածախնդիր դայվերների ընկերություն էր, ովքեր կազմակերպում էին համատեղ սուզումներ։ Ավելի ուշ, 2015-ին կազմակերպությունը սկսեց իր գործունեությունը որպես իրավաբանական անձ։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում