556.82
6.74
477.34
+4
Եղանակը Երևանում
Հայ

Covid-19-ի դեմ պատվաստումների մոլորեցնող միֆերը. մասնագետները պարզաբանումներ են ներկայացնում

18:18
24 Սեպտեմբերի 2021

ԵՐԵՎԱՆ, 24 սեպտեմբերի. /Նովոստի–Արմենիա/. Կորոնավիրուսի հետևանքով ստեղծված իրավիճակի միակ լուծումը պատվաստումներն են, եթե նույնիսկ անձը վարակվել է Covid-19-ով:

Այս մասին այսօր հրավիրված ասուլիսում ասաց Երևանի պետական բժշկական համալսարանի ախտաֆիզիոլոգիայի ամբիոնի վարիչ Արտեմ Գրիգորյանը:

Նրա խոսքով, այս շրջանում պատվաստումների հետ կապված միֆերն այնքան են տարածվել, որ հասարակությունն, իսկապես, բանիմաց մասնագետների խոսքի կարիքն ունի: 

Հիշեցնենք, որ նախօրեին ԱԺ Մարդու իրավունքների և հանրային հարցերի մշտական հանձնաժողովում աշխատանքային խորհդակցություն էր կազմակերպվել հոկտեմբերի 1–ից ներդրվող կարգավորումների վերաբերյալ, ըստ որոնց` քաղաքացիները պետք է 2 շաբաթը մեկ անգամ կորոնավիրուսի ՊՇՌ թեստ ներկայացնեն կամ պատվաստվեն։ Քննարկմանը մասնակցում էր առողջապահության նախարար Անահիտ Ավանեսյանը։ Բժշկական գիտությունների դոկտոր, պրոֆեսոր Սամվել Գրիգորյանը բազմաթիվ հարցադրումներ ներկայացրեց նախարարին, մասնավորապես, այն մասին, որ պատվաստումն անթույլատրելի է հղի կանանց շրջանում։ Դա կարող է սպառնալ վիժմամբ։ Գրիգորյանը նաև նշեց, որ պատվաստումը նաև հակացուցված է կերակրող մայրերին։

Այս հայտարարությանն ի պատասխան` առողջապահության նախարար Անահիտ Ավանեսյանը նշեց.«Խնդրում եմ ձեզ հենց հիմա կոնկրետ նշել, թե որ պատվաստանյութը հակացուցումներ ունի։ Եվ ինչ հակացուցումների մասին է խոսքը։ Խնդրում եմ, մանիպուլյացիայի մի ենթարկեք իմ խոսքերը։ Հղի կանայք ամբողջ աշխարհում պատվաստվում են»։

Загружается новость ... "Лево"

Գրիգորյանը նախարարին ցույց տվեց ռուսական Սպուտնիկ V պատվաստանյութի օգտագործման հրահանգը, որի վրա նշված էին հակացուցումները։ Գիտնականը նախարարին բազմաթիվ հարցեր ուղղեց, որոնց Ավանեսյանն այդպես էլ չպատասխանեց։

Ինչպես այսօր ասուլիսի ժամանակ նշեց Արտեմ Գրիգորյանը, երբեմն պատվաստումներին դեմ արտահայտվողներն այնքան ֆանտաստիկ բաներից են խոսում, որ բանական մարդուն պարզապես դժվար է այդ մտքերին արձագանքելը:

«Մասնագետները պետք է բաց ու ակտիվ լինեն, որպեսզի գիտականորեն հիմնավորված դիտարկումներ ավելի շատ ներկայացնեն»,-ասաց Գրիգորյանը:

Նրա խոսքով՝ բազմիցս ականատես է լինում, թե ինչպես են մարդկանց հորդորում չպատվաստվել, քանի որ, իբրև պատվաստման դեպքում, մարդկանց կոդավորում են:

«Համատարած տգիտության դեմ դժվար է որևէ բան անել, դրա համար էլ պետք է բնակչության տեղեկացվածության մակարդակը բարձրացնել: Եվ ինչ-որ չափով, պատվաստման մակարդակը բարձրացնելը կնշանակի նաև բարձրացնել մարդկանց կրթական պաշարը»,-ասաց փորձագետը:

Հայկական բժշկական ասոցիացիայի նախագահ, բժշկական գիտությունների թեկնածու Արմեն Սողոյանն էլ նշեց, որ այն մարդիկ, ովքեր պատասխանատու են ինչ-որ գործողությունների համար, նրանք ճշգրիտ մասնագիտական կարծիք են հայտնում, իսկ նրանք, ովքեր ոլորտից տեղյակ չեն, շատ հեշտ կարող են ասել այն, ինչ իրենց է ձեռնտու:

«Քննադատողների ճնշող մեծամասնության համար, կարծես, կարևոր է վարկաբեկելը, ինչ-որ բան ասելը, իսկ թե դրանից հետո ինչ կլինի, կարևոր չէ: Եթե ինչ-որ մեկը խոսում է համավարակի մասին, ապա դա ամենևին չի նշանակում, որ օբյեկտիվ իրականությունն է ներկայացնում: Հետևաբար, մեր քաղաքացիներին կհորդորեմ տեղեկությունը կարդալուց կամ լսելուց առաջ անպայման տեսնեն, թե արդյոք այդ անձը իրավասու է նման թեմայի մասին խոսելու»,-ասաց բժկական ասոցիացիայի նախագահը:

Նրա խոսքով, ի վերջո, պետք է հասկանանլ, որ պատվաստումների գործընթացը 100 %-անոց չէ, սակայն պատվաստումներն այսօր այլընտրանք չունեն:

Հայաստանի Ամերիկյան համալսարանի Թրփանճեան հանրային առողջապահության ֆակուլտետի դեկան Վարդուհի Պետրոսյանի խոսքով, որևէ գիտական տվյալ չկա, որ պատվաստանյութ ստանալուց առաջ անձը պետք է բժշկական լայնածավալ հետազոտություններ անցնի, նույնիսկ հղիների դեպքում:

Նա նշեց, որ պատվաստվելու դեպքում վարակվելու հավանականությունն ավելի քիչ է:

«Իհարկե, «դելտա» շտամի պարագայում այս հավանականությունը մի փոքր նվազում է, բայց, մնևնույնն է, որոշակի պաշտպանություն լինում է: Եվ պատվաստված անձն էլ վարակի փոխանցող չի հանդիսանում: Վերջերս, ապացուցվել է, որ պատվաստվածները, եթե վարակվում են, ապա վարակման տևողությունը լինում է շատ ավելի կարճ, քան չպատվաստվածների մոտ»,-ասաց Պետրոսյանը:

Նրա խոսքով՝ սա էլ իր հերթին բերում է նրան, նվազում է վարակի տարածման գործընթացն ու բարձրանում է անձի պաշտպանվածության մակարդակը:

Պետրոսյանը հավելեց նաև, որ վերարտադրողական առողջության վրա կորոնավիրուսային հիվանդության դեմ պատվաստումների ազդեցության վերաբերյալ գիտական տվյալներ չկան: Այս հարցը մասնագետներն ուսումնասիրել են, և գիտական խմբերի կողմից հերքվել է:

«Դրանք միայն ենթադրություններ են եղել, որոնք որևէ գիտական հիմք չեն ունեցել: Մասնագետների կողմից հերքվել է, և չկան գիտական այնպիսի տվյալներ այն մասին, որ պատվաստումը կարող է ազդել վերարտադրողական առողջության վրա: Ի դեպ, ասեմ, որ արդեն հայտնի է, որ Covid-19-ի հիվանդությունը կարող է առաջացնել խնդիրներ վերարտադրողական առողջության և այլ օրգանների հետ կապված»,- ասաց մասնագետը:

Վարդուհի Պետրոսյանի խոսքով՝ այս շրջանում շատ են հարցադրումներն այն մասին, թե ինչու պետք է պատվաստվի կորոնավիրուսով վարակված անձը, որն ունի հակամարմիններ, սակայն հակամարմին ունենալը ևս նախապայման չէ, որպեսզի չպատվաստվեն:

Անդրադառնալով այս դիտարկումներին՝ Պետրոսյանը նշեց, որ արդեն կան գիտական հետազոտություններ, որոնք ներկայացնում են կորոնավիրուսով վարակված, առողջացած ու պատվաստված քաղաքացիների և վարակված, բայց չպատվաստված անձանց տվյալները:

«Եվ տարբեր երկրներից ստացված հետազոտություններն ապացուցում են, որ այն մարդիկ, որոնք հիվանդացել են ու պատվաստվել են, նրանց պաշտպանվածությունը շատ ավելի ուժեղ է: Դրա համար է պետք պատվաստվել, որպեսզի մարդն ունենա մաքսիմալ պաշտպանվածություն: Եվ այսօրարդեն կան տվյալներ, որ անձը պատվաստումից հետո 2.5-անգամ ավել պաշտպանվածություն է ունենաում»,- ասաց Պետրոսյանը:-0-

Partners News
Partners News
Ամենակարդացվող
ԱՌԿԱ գործակալություն
Բաժնի այլ նյութեր
11:08
22 Սեպտեմբերի 2021
Երևանը շուտով ժամանակակից հանրային սքեյթ-պարկ կունենա (ՎԻԴԵՈ)
Երևանը շուտով ժամանակակից հանրային սքեյթ-պարկ կունենա.ՎԻԴԵՈ
12:20
17 Սեպտեմբերի 2021
Երևանում քաղցկեղով հիվանդ 36–ամյա կինը առողջ տղա է լույս աշխարհ բերել (ՖՈՏՈ)
Հրաշքներ լինում են. Երևանում քաղցկեղով հիվանդ 36–ամյա կինը առողջ տղա է լույս աշխարհ բերել.ՖՈՏՈ
15:44
01 Սեպտեմբերի 2021
«Նովոստի–Արմենիա»-ն ներկայացնում է նոր Travel show Հայաստանի մասին (ՎԻԴԵՈ)
«Նովոստի–Արմենիա»–ի YouTube–յան ալիքում կայացել է նոր Travel show–ի պրեմիերան, որը կոչվում է «Չեմ ուզում տուն գալ», այս անգամ ձեզ հետ բացահայտում ենք չքնաղ Լոռին.ՎԻԴԵՈ
13:30
31 Օգոստոսի 2021
Ժպիտն ու արցունքները միահյուսվում են. Երևանում առաջին դասարանցիներն առաջին անգամ մուտք գործեցին գիտելիքի աշխարհ (ՖՈՏՈ)
Ժպիտն ու արցունքները միահյուսվում են. Երևանում առաջին դասարանցիներն առաջին անգամ մուտք գործեցին գիտելիքի աշխարհ.ՖՈՏՈ
12:32
24 Օգոստոսի 2021
Պուտինի հրամանով հայտնի սրտաբան–վիրաբույժ Բագրատ Ալեքյանը պարգևատրվել է Ալեքսանդր Նևսկու շքանշանով
Պուտինը հայտնի սրտաբան–վիրաբույժ Բագրատ Ալեքյանին պարգևատրել է Ալեքսանդր Նևսկու շքանշանով
11:54
16 Օգոստոսի 2021
Հայաստանի դպրոցականների թիմն արժանացել է բրոնզե մեդալի Աշխարհագրության միջազգային օլիմպիադայում
Հայաստանի դպրոցականների թիմն արժանացել է  Աշխարհագրության միջազգային օլիմպիադայի բրոնզե մեդալի, օլիմպիադային մասնակցել է 179 աշակերտ 46 երկրից
19:37
11 Օգոստոսի 2021
Հայաստանը` զբոսաշրջիկների աչքերով (ՖՈՏՈ)
Ընտրել ենք Instagram–ում զբոսաշրջիկների կողմից հրապարակված 5 լուսանկար, որոնք ներկայացնում են հայոց հողի բնության և ճարտարապետության գեղեցկությունը.ՖՈՏՈ
19:37
09 Օգոստոսի 2021
Հայաստանի թոփ 10 ամենահետաքրքիր կադրերը Instagram-ից (ՖՈՏՈ)
Ընտրել ենք Հայաստանի բնական գեղեցկությունը ներկայացնող 10 լուսանկար, որոնց շնորհիվ կարելի է առանց տնից դուս գալու այցելել մեր լեռնային երկրի տարբեր վայրեր.ՖՈՏՈ
12:18
05 Օգոստոսի 2021
Առաջիկայում Երևանում կլինի մոտ 16-17 նոր ավտոբուսային երթուղի, պարկը կհամալրվի 211 նոր ավտոբուսներով
Առաջիկայում Երևանում կլինի մոտ 16-17 նոր ավտոբուսային երթուղի, վճարելու ենք քարտերով
12:37
04 Օգոստոսի 2021
Երևանում բարեհաջող վիրահատվել է բնածին ծանր արատ ունեցող նորածին.մայրը հղիության ընթացքում երկու անգամ հիվանդացել է Covid-19-ով
Երևանում բարեհաջող վիրահատվել է բնածին ծանր արատ ունեցող նորածին.մայրը հղիության ընթացքում երկու անգամ հիվանդացել է Covid-19-ով
11:19
03 Օգոստոսի 2021
Հրաշք ծնունդ. Երևանում եռյակ է լույս աշխարհ եկել` 3 տղա (ՖՈՏՈ, ՎԻԴԵՈ)
Հրաշք ծնունդ. Երևանում եռյակ է լույս աշխարհ եկել` 3 տղա.ՖՈՏՈ, ՎԻԴԵՈ
14:34
29 Հուլիսի 2021
Ապարանում նոր լեռնադահուկային համալիր կկառուցվի` ճոպանուղով, արհեստական ձնագոյացմամբ
Ապարանում նոր լեռնադահուկային համալիր կկառուցվի` ճոպանուղով, արհեստական ձնագոյացմամբ. ներդրումները կկազմեն մոտ 30մլրդ դրամ