479.19
7.04
447.17
+22
Եղանակը Երևանում
Հայ

Դա իմ որդու և Աստծո տված պարգևն է. զոհված զինծառայողի մայրը զույգ երեխաների է սպասում

13:48
10 Հունվարի 2022

ԵՐԵՎԱՆ, 10 հունվարի./Նովոստի–Արմենիա/.  44-օրյա պատերազմում զոհված 19-ամյա Լևոնի մայրը սպասում է զույգ երեխաների լույս աշխարհ գալուն: Այս մասին «Նոր Հայաստան» ՀԸ հետ զրույցում պատմել է զոհված զինծառայողի մայրը:

Փոքրիկների սեռն ընտանիքում չեն կարևորում, նշում են, որ սեռերը գիտեն միայն զոհված Լևոնն ու Աստված:

«Դա իմ որդու և Աստծո տված պարգևն է, որ այդքան սթրեսային ու ծանր վիճակից կարողանամ դուրս գալ: Ես շատ շնորհակալ եմ իմ բժշկուհուն, որ ինձ այդքան ապրելու ու պայքարելու ուժ տվեց» ,- ասում է զոհված զինծառայողի մայր Նելլի Կարգամանյանը:

Բալիկներ ունենալու որշում կայացնելն անասելի բարդ է տրվել, բայց ապրեցնելու ցանկությունն ու չկոտրվելու մղումն ավելի ուժեղ են գտնվել:

«Տղաս երազիս էր եկել, ինձ երկու ցուլիկ էր բերել, ասացի Լևոն ջան մեր տունը փոքր է, որ էս ցուլիկները բերել ես ո՞նց պահեմ: Ասաց մամ ջան ցուլիկներին լավ կպահես: Արթնացա ամուսնուս ասացի էսպիսի երազ եմ տեսել, ու այդ մի երազի շնորհիվ ես հասկացա, որ պիտի ապրեմ ու ապրեցնեմ իմ զավակներին: Այդ երազով սկսեցի քիչ-քիչ պայքարել ու ստացվեց», - նշում է զոհված զինծառայողի մայրը:

Տիկին Նելլին արցունքների միջից ժպտում է, խոսում ապագայի մասին: Լևոնն անցյալում չէ, և չի թողնելու, որ երբևէ լինի: Որդին հերոս է, եթե նրա մասին խոսում են, ապա նա ապրում է ու կապրի:

«Ես մի քանի օր չէի գնացել Եռաբլուր, հետո գնացի, տեսնեմ ծաղիկները թոռոմած, շիրիմին փոշին դրված, և այդ պահին ես խոստացա իմ որդուն, որ չեմ կոտրվի, ուժեղ պիտի լինեմ, որ իմ որդու անունը միշտ բարձրաձայնեմ, խնամեմ իր շիրիմը և օգնեմ այն հերոս մայրերին, ովքեր ամեն օր Եռաբլուրում են»,- ասում է տիկին Նելլին:

Տիկին Նելլին խոսում է որդեկորույս մայրերի մասին, որոնց հետ վիշտն է մտերմացրել: Նշում է, որ իրար ուժ են տալիս ու իրենք իրենց կենսակերպով պետք է ապրեցնեն իրենց որդիներին, պետք է ցույց տան, որ չեն կոտրվելու:

«Մի կին թմբի վրա լաց էր լինում, այդ պահին չգիտեմ իմ մեջ ինչ մտավ, որ պիտի այդ կնոջն օգնեմ, բարձրացնեմ թմբի վրայից: Ուժ գտա իմ մեջ ու օգնեցի, որովհետև այսօր մենք հերոս մայրերով ենք իրար ուժ տալիս, ու բոլորին ասում եմ, որ պիտի ուժեղ լինենք, պայքարենք, որ չմտածեն, թե հայը կոտրվեց»,- ասում է տիկին Նելլին:

Մայրը պատմում է Լևոնի մանկության, անցած ճանապարհի, երազանքների, նպատակների ու ցանկությունների մասին: Հումորով էր, ընկերասեր ու պայքարող, պատերազմը Լևոնից չի խլել նրա ոչ մի գիծ, այդպիսին ապրել է, այդպիսին կռվել ու այդպսին էլ զոհվել:

«Ասացի Լևոն ջան գնանք գրենք, որ 6 ամիս ուշ մեկնես ծառայության, ասաց չէ մամ ջան, ես պիտի գնամ, ծառայեմ, ծառայությունից հետո կգամ, կշարունակեմ ուսումս: Ես զինվորական խոհարար էի աշխատում, ու ինքն ասում էր, որ դու կրել ես զինվորական համազգեստ, հայրս, հորեղբայրս 90-ականներին կռվող են եղել, ես էլ պիտի գնամ: Ինքը չգիտեմ՝ ինչի միշտ սիրել ա այդ զինվորական կյանքը: Միշտ իր հայրիկին ասում էր՝ պապ  ինձ զինվոր կառնես: Շատ էր սիրում զինվորական պարագաները՝ մեքենաները, շորերը, զենքերը, շատ-շատ էր սիրում», - ասում է  մայրը:

Պատմում է նաև որդու հետ վերջին հեռախոսազրույցի մասին: Հիշում ասված ու չասված խոսքեր, խոսքեր, որոնք Լևոնը չասաց, ասացին նրա ընկերները, հրամանատարներն ու ուղղակի պատերազմում Լևոնի կռիվը տեսածները:

«Ամսի 8-ն էր ինքը զանգեց ինձ, այնքան ուրախ ձայնով ասաց՝ մերս ես փրկվել եմ: Սեպտեմբերի 29-ին նահանջ հրաման են տվել ու մինչև հոկտեմբերի 8-ը ընկել է շրջափակման մեջ: Շրջափակումից ճեղքել են ու հասել Ալաշա, ու ասում էր՝ մամ ջան ամեն ինչ լավ ա, նորմալա: Ես իրեն հարցնում էի, ասում էի՝ Լևոն ջան որտե՞ղ ես, տեղդ ասա, ասում էր՝ մամ չեմ կարա ասեմ, բայց ինքը շատ ուրախ ձայնով էր խոսում, որ չէիր ասի, թե ինքն էնտեղ տանջանքների միջով էր անցնում», - պատմում է տիկին Նելլին:

Ասում է, որ հոկտեմբերի 8-13-ը խոսել է որդու հետ: 13-ին տղան ասել է, որ զենքն է մաքրում, քանի որ հրաման կար, նորից Մատաղիսի մարտական դիրքը պիտի պաշտպանեին:

«Ես ասացի՝ Լևոն ջան չես կարող չգնալ, ասաց՝ մամ ի՞նչ ես խոսում ու ամսի 14-ին այդ դեպքը տեղի ունեցավ: Ինձ ծնողներից մեկը զանգեց, հարցրեց Լևոնից ինչ նորություն կա: Ու ես այդ գիշեր շատ անհանգիստ երազներ էի տեսել, Լևոնի լացի ձայն էի լսում, ինձ էր կանչում, չէի կարողանում քնել, ահավոր հոգեվիճակում էի»,-պատմում է մայրը:

Հիշողություններ ու չապրած տարիներ, տարիներ, որոնք տիկին Նելլին որոշել է նվիրել ապրեցնելու ու իր ապագա զավակներին:–0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
14:52
12 Մայիսի 2022
Բուժքրոջը էնպես է կպած, ոնց որ մամային, ձեռքից բռնած ման է գալիս. մոր կողմից Դեբեդ գետը նետված 2–ամյա Արևն ապաքինվել է (ՎԻԴԵՈ)
Բուժքրոջը էնպես է կպած, ոնց որ մամային, ձեռքից բռնած ման է գալիս. մոր կողմից Դեբեդ գետը նետված 2–ամյա Արևն ապաքինվել է. ՎԻԴԵՈ
20:30
09 Մայիսի 2022
Որպես անհետ կորած որոնվող Աննա Հակոբյանը հայտնաբերվել է
Որպես անհետ կորած որոնվող Աննա Հակոբյանը հայտնաբերվել է
13:06
27 Ապրիլի 2022
Արևի պես ժպտում է բոլորին. մոր կողմից գետը նետված 2–ամյա Արևի մոտ նկատվում է դրական դինամիկա
Արևի պես ժպտում է բոլորին. մոր կողմից գետը նետված 2–ամյա Արևի մոտ նկատվում է դրական դինամիկա
13:45
21 Ապրիլի 2022
Երևանում հազվադեպ հիվանդությամբ 30–ամյա կինը առողջ տղա է լույս աշխարհ բերել
Երևանում հազվադեպ հիվանդությամբ 30–ամյա կինը առողջ տղա է լույս աշխարհ բերել
15:02
30 Մարտի 2022
Հայ աշակերտները ոսկե մեդալի են արժանացել ՌԴ-ում անցկացվող «Ռոբոարտ 2022» մրցույթ-փառատոնում
Հայաստանը ներկայացրել են Նարեկ Սարգսյանը և Գևորգ Սարգսյանը
23:37
07 Մարտի 2022
Իսկական հրաշք. Հայաստանում 540 գրամ քաշով ծնված փոքրիկն այսօր դուրս է գրվել 3 կգ 700 գրամ քաշով և լիովին առողջ (ՖՈՏՈ)
Իսկական հրաշք. Հայաստանում 540 գրամ քաշով ծնված փոքրիկն այսօր դուրս է գրվել 3 կգ 700 գրամ քաշով և լիովին առողջ. ՖՈՏՈ
21:22
01 Մարտի 2022
44-օրյա պատերազմում միակ որդուն կորցրած 60-ամյա ամուսինները կրկին ծնող են դարձել (ՖՈՏՈ)
44-օրյա պատերազմում միակ որդուն կորցրած 60-ամյա ամուսինները կրկին ծնող են դարձել. ՖՈՏՈ
14:27
24 Փետրվարի 2022
33 տոննայանոց վագոնը քաշել է ճկույթով. Երևանի մետրոյում համաշխարհային ռեկորդ է սահմանվել (ՎԻԴԵՈ)
Երևանի մետրոյում համաշխարհային ռեկորդ է սահմանվել. ՎԻԴԵՈ
20:52
21 Փետրվարի 2022
Վանաձորցի հրշեջ-փրկարարն արժանացել է Միջազգային կարգի սպորտի վարպետի կոչման
Եռամարտիկ, Աշխարհի և Եվրոպայի եռակի չեմպիոն, համաշխարհային քառակի ռեկորդակիր, հրշեջ-փրկարար Զորիկ Պետրոսյանը արժանացել է Միջազգային կարգի սպորտի վարպետի կոչման
14:54
21 Փետրվարի 2022
Մինչև 400 հազ. դրամի վարձատրություն. ՀՀ–ում ուսուցիչների աշխատավարձի դրույքաչափը կբարձրանա
Մինչև 400 հազ. դրամի վարձատրություն. ՀՀ–ում ուսուցիչների աշխատավարձի  դրույքաչափը կբարձրանա
14:32
29 Հունվարի 2022
Նախօրեից որպես անհետ կորած որոնվող 15-ամյա աղջիկը հայտնաբերվել է
Նախօրեից որպես անհետ կորած որոնվող 15-ամյա աղջիկը հայտնաբերվել է
19:37
29 Դեկտեմբերի 2021
2021 թ.-ին աշխարհը նվաճած հայ երիտասարդների հաջողությունները (ՎԻԴԵՈ)
2021 թ.-ին աշխարհը նվաճած հայ երիտասարդների հաջողությունները. ՎԻԴԵՈ