Հայաստանում կանցկացվեն «Որոտ 2021» ՀԱՊԿ–ի զորավարժությունները

ԵՐԵՎԱՆ, 22 սեպտեմբերի./Նովոստի–Արմենիա/. Հայաստանի Հանրապետության տարածքում սեպտեմբերի 24–28–ը կանցկացվեն «Որոտ 2021» հատուկ զորավարժությունները` հակաթմրանյութային ծառայությունների, ներքին գործերի մարմինների և ՀԱՊԿ օպերատիվ արձագանքման հավաքական ուժերի հատուկ նշանակության ուժերի զորամիավորումների կազմում ներառված հատուկ ծառայությունների հատուկ ստորաբաժանումների մասնակցությամբ։ Այս մասին հայտնում է ՀԱՊԿ մամուլի քարտուղար Վլադիմիր Զայնետդինովը։ 

Զորավարժությունը կանցկացվի` ՀԱՊԿ Հավաքական անվտանգության համակարգի կառավարման մարմինների և ուժերի ու միջոցների կազմավորումների համատեղ պատրաստության 2021թ.–ի– պլանի համաձայն։

ՀԱՊԿ անդամ պետությունների իրավասու մարմինների և Հայաստանի Զինված ուժերի հատուկ նշանակության համահավաք խմբերն առաջին փուլի ընթացքում կատարելու են ուսումնամարզական և կիրառական խնդիրներ բարդ ռելիեֆ ունեցող լեռնային տեղանքում։

Միաժամանակ կանցկացվի հատուկ օպերացիայի պլանավորման և անցկացման հրամանատարաշտաբային մարզում` ՀԱՊԿ Արագ արձագանքման հավաքական ուժերի հատուկ նշանակության ուժերի զորամիավորումների օպերատիվ շտաբի օպերատիվ կազմի հետ։ 

Ուսումնական խնդիրների լուծման ընթացքում ՀԱՊԿ անդամ պետությունների հատուկջոկատայինները Հայաստանի Զինված ուժերի և Սահմանապահ զորքերի ստորաբաժանումների հետ կմշակեն փոխգործակցության պրոցես, ձեռք կբերեն մարտականին հնարավորինս մոտ պայմաններում հատուկ օպերացիայի մասնակցության փորձ ու հմտություններ։

Զորավարժության երկրորդ փուլի ընթացքում կանցկացվեն մարտական զենքից մարտավարական կրակի մրցումներ, ինչպես նաև կմշակվեն հատուկ նշանակության համահավաք օպերատիվ–մարտական խմբերի պրակտիկ գործողություններ։–0–