Հայտնի են 2019թ.–ին նորածինների ամենատարածված անունները. ԹԱՐՄԱՑՎԱԾ ՑԱՆԿ

ԵՐԵՎԱՆ, 5 մայիսի./Նովոստի–Արմենիա/. ՀՀ ազգային վիճակագրական կոմիտեն երեքշաբթի հրապարակել է ամենատարածված անուններ, որոնցով անվակոչել են ծնողներն իրենց նորածիններին 2019թ.–ին։ Ցանկը թարմացվել է 2020թ.–ի ապրիլի 30–ի դրությամբ։

Ցանկն ավանդաբար գլխավորում են Նարեն ու Դավիթը։ Նարե անվանակոչվել է 686 նորածկին աղջիկ, Դավիթ` 1403 տղա։ Աղջիկների ամենատարածված անունների հնգյակում են Մարիան (584), Արփին (444), Եվան (438) և Մանեն (434)։

Տղաների անուններից առաջին հնգյակում են հայտնվել Նարեկը (923), Հայկը (575), Մարկը (549) և Տիգրանը (530)։

482 երեխա անվանակոչվել է Ալեքս, 150–ը` Մաքս, 83–ն` Էդգար, 81–ը` Ռուբեն և 78–ը` Վաչե։

Ինչ վերաբերում է աղջիկների անունների, ապա արտասահմանյան ամենատարածված անուններից Եվայից հետո Անգելինան է (4383), Մերին (428), Էլենը (356), Ադրիանան (279), Սոֆին (267), Էվան և Յանան (235–ական),  Արինան (204), Նատալին (191), Վիկտորիան (170), Սարան (168), Էմիլին (146), Մոնիկան (134) և Լիան (127)։ Լուսինե անվանակոչվել է 95 աղջիկ, Ամրինե և Նարինե` 94–ական աղջիկ։

2019 թ.-ի արդյունքներով՝ հանրապետությունում ծնվել է 17 128աղջիկ (17 322 աղջիկ` 2018 թ.-ին) և 18 913 տղա (19 252 տղա` 2018 թ.-ին):–0–