ԵՐԵՎԱՆ, 26 հունվարի./Նովոստի–Արմենիա/. Երևանի «Մալաթիա» տոնավաճառը ժամանակավորապես կփակվի։
Քաղաքաշինության, տեխնիկական և հրդեհային անվտանգության տեսչության աշխատակիցները ստուգման ժամանակ հայտնաբերել են 17 խախտում և եկել են այն եզրակացության, որ օբյեկտը հրդեհավտանգ է։
Առաջին ալիքի ռեպորտաժում նշվում է, որ չկա ծխահեռացման համակարգ, հրդեհաշիջման արտաքին և ներքին ջրային ցանց, հրդեհաշիջման առաջնային միջոցներ, տարհանման ելքերը բավարար չեն։
Չնայած տնօրինությունը վստահեցնում է, որ խախտումների մեծ մասը կվերացվի, կարգավորիչը կրկնակի ստուգումից հետո որոշել է փետրվարի 1–ից դադարեցնել տոնավաճառի գործունեությունը։
Հիշեցնենք, որ «Սուրմալու» առևտրի կենտրոնում 2022թ.–ի օգոստոսի 14–ին պայթյուն ու հրդեհ էր տեղի ունեցել։ Մասամբ փլուզվել էր առևտրի կենտրոնի եռահարկ շենքը։ ԱԻՆ–ի տվյալներով, պայթյունի հետևանքով զոհվել է 16 մարդ, 1 մարդ համարվում է անհետ կորած, 63 մարդ վնասվածք է ստացել։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում