ԵՐԵՎԱՆ, 29 մայիսի./Նովոստի–Արմենիա/. Երևանի տրանսպորտային համակարգի բարեփոխումների շրջանակում մշակված փուլային գործողությունների ծրագրի առաջին մասով Երևան համայնքի կողմից նոր ներկրված ավտոբուսները կներառվեն տրանսպորտային գործող ցանցում և հնարավրություն կտան ամբողջությամբ շահագործումից հանելու և ազատվելու միկրոավտոբուսներից, մասնավրոապես` «Գազել»–ներից, քանի որ դա նոր երթուղային ցանցի առաջնային խնդիրներից մեկն է։ Այս մասին այսօր հայտարարեց Երևանի քաղաքապետարանի տրանսպորտի վարչության պետի ժամանակավոր պաշտոնակատար Վազգեն Հարությունյանը գործակարգավարական խորհրդակցության ժամանակ։
Նրա խոսքով, կատարված հաշվարկներով առկա ավտոբուսային պարկը բավարարվում է այդ խնդիրը լուծելու համար։
«Առաջին փուլի փոփոխությունները վերաբերում են շարժակազմի տեղատարողության ավելացմանը, ինչը շնորհիվ կբարձրանա ուղևորափոխադրումների հարմարավետությունը, առավելագույնս արդյունավետ կշահագործվեն նոր ավտոբուսները, ինչպես նաև կվերանա կռացած ուղևորափոխադրումը Երևանում։ Այս առաջին փուլի մեկնարկը կտրվի հունիսի 1–ին և ամբողջությամբ կավարտվի օգոստոսի 30–ին։ Այսինքն սեպտեմբերի միկրոավտոբուսների շահագործումն ամբողջությամբ կդադարեցվի», – նշեց նա։
Նրա խոսքով, Առաջին փուլի գործողությունների մասով կազմված է հստակ ժամանակացույց և պլան` մանրամասների երթուղիների նկարագրությամբ։ Նա ներկայացրեց յուրաքանչյուր երթուղու մասով նախատեսված փոփոխությունները։
Հունիսի 1–ից նախկինում միկրոավտոբուսային համար 3 և 12 համարները կմիավորվեն և կգործեն N32 ավտոբուսային երթուղու տակ։ Նախկին երթուղիների գծերն ամբողջությամբ պահպանված են, ավելացվել է բացառապես Արամ Խաչատրյանից դեպի Մամիկոնյանց նոր ճանապարհի սպասարկումը։ Կսպասարկվի «Ժոնգ տոնգ» տիպի ավտոբուսներով։ Բոլորի երթուղիների համար հաճախականությունը կկազմի միջինը 13 րոպե։
Համար 13 միկրոավտոբուսային երթուղին կփոխարինվի համար 34 ավտոբուսային երթուղով, որն ամբողջությամբ կպահպանի նախկին միկրոավտոբուսային երթուղու ուղեգիծը և կսպասարկվի «Ժոնգ տոնգ» տիպի ավտոբուսներով։ Համար 57 միկրոավտոբուսային երթուղին կփոխարինվի համար 51 ավտոբուսային երթուղով` պահպանելով նախկին երթուղու ամբողջ ուղեգիծը, կսպասարկվի «Ժոնգ տոնգ» տիպի ավտոբուսներով։
Համար 63 և համար 34 միկրոավտոբուսային երթուղիները կմիավորվեն` պահպանելով ամբողջական ուղեգիծը և կգործեն համար 52 ավտոբուսային երթուղու ներքո, կսպասարկվեն «Ժոնգ տոնգ» տիպի ավտոբուսներով։
Այս բոլոր փոփոխությունները տեղի կունենան մինչև հունիսի 15–ը։
Համար 1 միկրոավտոբուսային երթուղին կփոխարինվի համար 2 ավտոբուսային երթուղով։ Ուղեգծի վերջնամասում փոփոխություն է եղել դեպի «Մարս» գործարան, կսպասարկվի «Հիգեր» կամ «Գազել» տիպի ավտոբուսներով, մեկնարկը կտրվի հունիսի 1–ին։
Համար 19 և 29 միկրոավտոբուսային երթուղիներում տեղի է ունեցել փոփոխություն։ Այն կսպասարկվի համար 36 ավտոբուսային երթուղով և կապահովի կապը Գաջեգործների փողոցից դեպի Արագածի փողոց։
Բոլոր երթուղային փոփոխություններին կարելի է ծանոթանալ
հետևյալ հղմամբ։–0–