Երևանում կայացել է սանավիացիայի առաջին ուղղաթիռի շնորհանդեսը (ՖՈՏՈ)

ԵՐԵՎԱՆ, 7 ապրիլի./Նովոստի–Արմենիա/. ՀՀ առողջապահության նախարար Արսեն Թորոսյանը տեղեկացրել է Երևանում սանիտարական ավիացիայի առաջին ուղղաթիռի շնորհանդեսի մասին։

«Մենք դա արեցինք», – գրել է Թորոսյանը Facebook–յան իր էջում` հրապարակելով լուսանկար։

Ավելի վաղ նախարարը հայտարարել է, որ Հայաստանը ձեռք է բերել սանիտարական ավիացիայի առաջին ուղղաթիռը։ Armenian Helicopters LLC ընկերությանը պատկանող Airbus–ի արտադրության ուղղաթիռն օգտագործվելու է շտապօգնության ծառայություններ մատուցելու համար։–0–