ԵՐԵՎԱՆ, 8 դեկտեմբերի./Նովոստի–Արմենիա/. ՀՀ էկոնոմիկայի նախարար Վահան Քերոբյանին այսօր ԱԺ–ում նվիրել են ամերիկացի հայտնի գիտնական, Նոբելյան մրցանակի դափնեկիր Փոլ Սամուելսոնի «Economics» գիրքը։
Նիստի ընթացքում «Հայաստան» ընդդիմադիր խմբակցության պատգամավոր Արթուր Խաչատրյանը հիշեցրել է Քերոբյանի խոսքերը երկրի տնտեսական աճի մասին։ Այսպես, մի քանի ամիս առաջ Քերոբյանը 2021թ.–ի արդյունքում սկզբից կանխատեսել է ՀՆԱ–ի երկնիշ աճ (հակառակ դեպքում խոստանալով հրաժարական տալ, խմբգր.), իսկ ավելի ուշ պարզաբանել է, որ խոսել է անվանական տնտեսական աճի մասին։
«ՀՆԱ–ի անվանական աճը տնտեսական աճը չէ։ Անվանական աճը կախված է գնաճից, ՀՆԱ–ի դեֆլյատորից։ Որքան մեծ է դեֆլյատորը, այնպես մեծ է անվանական աճը, այսինքն` որքան բարձր են գները կայուն իրական տնտեսական աճի պայմաններում, այնքան ավելի լավ կլինի մեր վիճակը։ Եթե իրական տնտեսական աճը կազմի 1%, իսկ գնաճը`20%, այդ դեպքում կլինի 21%–անոց տնտեսական աճ», – ասաց Խաչատրյանը։
Դրանից հետո պատգամավորը խնդրել է ֆինանսների նախարար Տիգրան Խաչատրյանին իր գործընկեր Քերոբյանին փոխանցել Սամուելսոնի գիրքը (էկոնոմիկայի տեսության մասին հայտնի դասագիրք, որն արդեն 50 տարի չի կորցնում իր ակտուալությունը, խմբգր.)։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում