Արսեն Թորոսյանը նշել է սանավիացիայի առաջին ուղղաթիռի շնորհանդեսի հնարավոր ժամկետները (ՖՈՏՈ)

ԵՐԵՎԱՆ, 26 մարտի. /Նովոստի-Արմենիա/. Հայաստանի առողջապահության նախարար Արսեն Թորոսյանը նշել է երկրում սանավիացիայի առաջին ուղղաթիռի շնորհանդեսի հնարավոր ժամկետները։

Ավելի վաղ նախարարն ասել է, որ Հայաստանը ձեռք է բերել սանիտարա–ավիացիոն ծառայության առաջին ուղղաթիռը։ Armenian Helicopters LLC ընկերությանը պատկանող Airbus արտադրության ուղղաթիռը կօգտագործվի «Շտապօգնության» ծառայություններ տրամադրելու նպատակով։



«Մոտենում ենք վերջնագծին կամ, ավելի ճիշտ, այս կարևոր նախաձեռնության մեկնարկին։ Եթե եղանակային պայմանները բարենպաստ լինեն, ապա ապրիլի 6-ին տեղի կունենա սանիտարական ավիացիայի ծառայության շնորհանդեսը Էյրբաս ընկերության ներկայացուցիչների մասնակցությամբ»,– գրել է Թորոսյանը Facebook–ի իր էջում։

Ուղղաթիռը Հայաստան է ժամանել փետրվարի վերջին։ -0-