ՊԵԿ նախագահ. հայ-թուրքական սահմանի բաց լինելը ավելի լավ է, քան փակ լինելը. ՊԵԿ նախագահ

ԵՐԵՎԱՆ, 19 հունվարի./Նովոստի–Արմենիա/. Պետեկամուտների կոմիտեի նախագահ Ռուստամ Բադասյանի կարծիքով՝ հայ-թուրքական սահմանի բաց լինելը ավելի լավ է, քան փակ լինելը։


«Կարող ենք աքսիոմատիկ ճշմարտություններով խոսել։ Բնականաբար, սահմանի բաց լինելը ավելի լավ է, քան սահմանի փակ լինելը։ Դա կարծում եմ, անվիճելի է, որովհետև այն տնտեսական ակտիվությունը և այն շրջանառությունը, որը լինում է բաց սահմանների պարագայում, երբեք չի կարելի ակնկալել փակ սահմանի պարագայում»,- նշել է Բադասյանը լրագրողների հետ ճեպազրույցում, հաղորդում է «Արմենպրես»–ը։

Հարցին, թե արդյոք վտանգ չկա, որ թուրքական կապիտալի ներհոսք կլինի Հայաստան, Բադասյանը պատասխանել է, եթե դա դիտարկվում է որպես ռիսկ, դրա փոխարեն ի՞նչ է առաջարկվում, ապրել փակ տնտեսությա՞մբ, երբեք փորձ չարվի՞ սահմանների բացման շուրջ խոսել։

«Բնականաբար, խոշոր տնտեսությունների ներկայացվածությունը ավելի փոքր տնտեսություն ունեցող երկրներում նկատելի է լինում ամբողջ աշխարհում, այսինքն՝ մենք ի՞նչ վախերով ապրենք»,- ասել է Բադասյանը։–0–