ԵՐԵՎԱՆ, 8 դեկտեմբերի./Նովոստի–Արմենիա/. Աշխարհում, հնարավոր է, նոր համավարակ սկսվի, որը ավելի մահացու կլինի, քան COVID-19–ը։ Նման կարծիք է հայտնել կորոնավիրուսի դեմ պատվաստանյութերից մեկի ստեղծող, բժիշկ Սառա Գիլբերտը, գրում է
medikforum.ru–ն։
Загружается новость ... "Лево"
Օքսֆորդի համալսարանի պրոֆեսոր, բժիշկ Սառա Գիլբերտը կարծում է, որ աշխարհին նոր համաճարակ է սպասվում, որը կառաջանա ավելի վարակիչ պաթոգենից, քան COVID-19–ինն է։ Եվ այդ համավարակը կհանգեցնի ավելի բարձր մահացության։ Գիտնականները կարծում են, որ այն բոլոր ձեռքբերումները, որոնց հասել են գիտնականները մահացու վտանգավոր վիրուսների դեմ պայքարի նպատակով իրականացված ուսումնասիրությունների արդյունքում, պետք է օգնեն մարդկությանը։ Այս մասին նա հայտարարել է BBC–ի ալիքով հեռարձակվող դասախոսություններից մեկի ժամանակ։
Բժիշկ Գիլբերտն ընդգծում է, որ COVID-19–ը, վստահաբար, վերջին վիրուսային սպառնալիքը չէ։ Հաջորդները լինելու են ավելի վարակիչ և մահացու։ Գիլբերտը միլիոնավոր կյանքեր փրկած բժիշկներից մեկն է, քանի որ նա կարևոր մասնակցություն է ունեցել պատվաստանյութերի մշակման գործում։ Բրիտանական կղզիներում հիմա աճում է «Օմիկրոն» շտամով առաջացած կորոնավիրուսային վարակը։–0–