ԵՐԵՎԱՆ, 4 հոկտեմբերի./Նովոստի–Արմենիա/. Ռուսաստանի ամբողջ տարածքում դադարեցվել են զանգվածային միջոցառումները կորոնավիրուսի պատճառով, միայն երկու շրջաններում թույլատրվում է անցկացնել միջոցառումներ` 1–3 հազար մարդու մասնակցությամբ։ Այս մասին այսօր հայտարարել է Ռոսպոտրեբնադզորի ղեկավար Աննա Պոպովան, հաղորդում է ՏԱՍՍ–ը։
«Ամբողջ երկրում դադարեցվել են զանգվածային միջոցառումները։ Անցկացվում են միայն գլխավոր պետական սանիտարական բժշկի կարգադրությամբ` կախված համաճարակային պրոցեսի միտումներից։ Այսօր մենք չունենք սուբյեկտներ, որտեղ կարելի է անցկացնել միջոցառումներ` 3 հազարից ավել մարդու մասնակցությամբ, իսկ 1–3 հազար մարդու մասնակցությամբ կա ընդամենը երկու սուբյեկտ», – ասել է նա կորոնավիրուսի դեմ պայքարի համակարգող խորհրդի նիստի ժամանակ։
Պոպովան նաև նշել է, որ Ռուսաստանի մարզերում կորոնավիրուսի պատճառով ներդրված սահմանափակումները համապատասխանում են իրավիճակին, բայց դրանք վերահսկելու գործընթացը խնդրահարույց է։–0–