ԵՐԵՎԱՆ, 24 հունիսի./Նովոստի–Արմենիա/. Հրապարակվել են Փարաքարում ավտոմեքենայի պայթյունի լուսանկարները, ինչի հետևանքով վարորդը մահացել է։
Ինչպես
հաղորդել էր ՔԿ–ն, պայթյունը եղել է կանխամտածված 35–ամյա վարորդին սպանելու նպատակով։
Փաստի առթիվ հարուցվել է քրեական գործ սպանության և ապօրինի ռազմամթերք պահելու, փոխադրելու, իրացնելու հատկանիշներով։ Ենթադրյալ հանցագործություն կատարած անձը 35-ամյա տղամարդուն ապօրինաբար կյանքից զրկելու դիտավորությամբ, վերջինիս պատկանող «Վազ 2121 Նիվա» մակնիշի ավտոմեքենայի վրա նախօրոք տեղադրել է պայթուցիկ սարք, և երբ 35-ամյա տղամարդը գտնվել է իր ավտոմեքենայի մեջ՝ Փարաքար համայնքի Գետափի փողոցում, վերոնշյալ պայթուցիկ սարքը գործի է դրվել և պայթել։
Ինչպես հաղորդում է ԱԻՆ–ը, հրապարակելով լուսանկարները, գրանցվել է պայթյուն՝ հրդեհի բռնկմամբ, ինչի հետևանքով ավտոմեքենան բախվել է տան հարևանությամբ գտնվող ավտոտնակի պատին։–0–