ԵՐԵՎԱՆ, 15 օգոստոսի./Նովոստի–Արմենիա/. «Ուրալսյան ավիաուղիներ» ավիաընկերության A321 –ը հինգշաբթի առավոտյան վթարային վայրէջք է կատարել Ժուկովսկի քաղաքի օդանավակայանում օդ բարձրանալիս շարժիչների այրվելու պատճառով։
Ինչպես հաղորդել են ՏԱՍՍ–ին փրկարար ծառայություններում, բոլոր ուղևորները տարհանվել են։ «Նախնական տվյալներով, տուժածներ չկան», – նշել է աղբյուրը։
Օդանավը կատարում էր Ժուկովսկի–Սիմֆերոպոլ չվերթը։ ՌԴ ԱԻՆ–ից ևս նշել են, որ տուժածներ չկան։
Ավիաընկերության գլխավոր տնօրեն Սերգեյ Սկուրատովը նշել է, որ օդանավի երկու շարժիչներն անջատվել են, քանի որ դրանց մեջ թռչուններ են հայտնվել։
«Ժուկովսկիում օդ բարձրանալիս վթարային վայրէջքի պատճառը երկու շարժիչներում հայտնված թռչուններ են։ Շարժիչներն անջատվել են, անձնակազմը վայրէջք է կատարել թռիչքուղուց մեկ կիլոմետր հեռավորության վրա», – նշել է Սկուրատովը։
ՏԱՍՍ–ի զրուցակիցը նշել է, որ օդանավը վայրէջքի ժամանակ դուրս է եկել թռիչքուղու սահմաններից», – ավելացրել է աղբյուրը։
Օդանավում եղել է 234 մարդ, այդ թվում` անձնակազմի յոթ անդամ։–0–