Ամայացած Ստեփանակերտ, Արցախը գրեթե ամբողջությամբ հայաթափվեց (ՎԻԴԵՈ)

ԵՐԵՎԱՆ, 1 հոկտեմբերի./Նովոստի- Արմենիա/. Արցախը գրեթե ամբողջութ ամբ ամայացել է:

 Օգտատերերը տեսանյութեր են հրապարակում Արցախի մայրաքաղաք Ստեփանակերտից, որն ընդամենը մի քանի օրում հայաթափվել է:

Արցախի դեմ Ադրբեջանի ագրեսիայի մասին

Սեպտեմբերի 19-ին տեղի ունեցած ադրբեջանական զինուժի լայնածավալ ագրեսիայից հետո Արցախի Հանրապետության իշխանությունները մեկ օր անց ընդունեցին ռուսական խաղաղապահ զորախմբի հրամանատարության հրադադարի առաջարկը։

Ադրբեջանական կողմի հետ բանակցություններից հետո Արցախի նախագահը սեպտեմբերի 28-ին հրամանագիր ստորագրեց, որով լուծարվում են պետական բոլոր կառույցները, իսկ 2024 թվականի հունվարի 1-ից հանրապետությունը կդադարի գոյություն ունենալ։

Արցախի բնակիչները ստիպված են զանգվածաբար լքել հանրապետության տարածքը՝ ուղղվելով դեպի Հայաստան։ ՀՀ կառավարության տվյալներով՝ այս պահին Լեռնային Ղարաբաղից Հայաստան է մուտք գործել մոտ 100 437 բռնի տեղահանված քաղաքացի։ Արցախցիներին ընդունելու համար Հայաստանում գործում է երկու հիմնական կենտրոն՝ Գորիսում և Վայքում:-0-