ԵՐԵՎԱՆ, 23 մարտի./Նովոստի-Արմենիա/. ՌԴ ԱԳՆ պաշտոնական ներկայացուցիչ Մարիա Զախարովան Մոսկվայի անհանգստությունն է հայտնել թշնամական հռետորաբանության աճի, Լեռնային Ղարաբաղում միջադեպերի աճի և այն բանի կապակցությամբ, որ կողմերը պատրաստ չեն փոխզիջումներ փնտրել Լաչինի միջանցքի շուրջ ստեղծված իրավիճակի կարգավորման հարցով:
«Մենք ելնում ենք նրանից, որ խաղաղ գործընթացն այլընտրանք չունի: Մենք դրանում վճռական ենք և վերահաստատում ենք մեր դիրքորոշումը: Կոչ ենք անում կողմերին զսպվածություն ցուցաբերել հայտարարություններում, գործողություններում, վերսկսել բանակցությունները հայ-ադրբեջանական հայ-ադրբեջանական հարաբերությունների կարգավորման բոլոր ուղիներով, այդ թվում՝ տրանսպորտային հաղորդակցությունների ապաարգելափակումը, սահմանի դելիմիտացիան, խաղաղության պայմանագրի պատրաստումը, հասարակական գործիչների, խորհրդարանականների հանդիպման անցկացումը և այլն», - ասել է Զախարովան ճեպազրույցի ժամանակ:-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում