ԵՐԵՎԱՆ, 23 օգոստոսի./Նովոստի–Արմենիա/. Երգչուհի Լիլիթ Հովհաննիսյանն Instagram–ի իր էջում լուսանկար է հրապարակել և մակագրել․«Հրաշքին սպասելիս»։
Ճանաչված երգչուհի Լիլիթ Հովհաննիսյանը հղիության վերջին շրջանում է։ Երգչուհին Instagram–ի իր էջում պարբերաբար լուսանկարներ է հրապարակում:
Նա և երգահան, պրոդյուսեր Վահրամ Պետրոսյանն այս շրջանում սպասում են իրենց առաջնեկին։ Ավելի վաղ Լիլիթը տեղեկացրել էր, որ որդի են ունենալու։
Ինչպես հղիության սկզբում, այնպես էլ վերջին շրջանում երգչուհին ամբողջ ընթացքում հետաքրքիր կերպարներ էր ստեղծում` փոխելով մազերի գույնը և ներկայանալով նախ՝ վարդագույն, ապա կապույտ, հետո էլ դեղին գույնի մազերով։
Լիլիթն ու Վահրամն ամուսնացել են 2011 թվականի հունիսին և այս տարի նշեցին իրենց համատեղ կյանքի 10–ամյակը։
Ավելի վաղ երգչուհին տեսանյութ էր հրապարակել, որտեղ ուլտրաձայնային հետազոտություն էր անցնում։ Տեսանյութում լսվում էր փոքրիկի սրտի բաբախը։
Հիշեցնենք՝ մայիսի 2–ին երգչուհին տեսանյութ էր հրապարակել, որում երևում էր, որ հղի է։ Հրապարակմանը կից երգչուհին գրել է․ «Ալեեե՜յ Հոպ»։-0-