Հայտնի է, թե որքան գումար կստանան Իտալիայի հավաքականի ֆուտբոլիստները Եվրո–2020–ում հաղթելու համար

ԵՐԵՎԱՆ, 13 հուլիսի./Նովոստի–Արմենիա/. Եվրո–2020–ի եզրափակչում Իտալիայի հավաքականը 11–մետրանոց հարվածաշարերով հաղթեց Անգլիայի հավաքականին։

Եվրոպայի առաջնությունում Իտալիայի հավաքականի հաղթանակի համար յուրաքանչյուր խաղացող կստանա 250 հազար եվրո։ Եթե իտալացիները եզրափակչում պարտվեին անգլիացիներին, կստանային 200 հազարական եվրո։

Նշենք, որ Իտալիայի հավաքականը մրցաշարում վաստակել է ավելի քան 28 մլն եվրո ՈւԵՖԱ–ի մրցանակային ֆոնդից։ Այդ գումարից խաղացողները կստանան իրենց բոնուսները։ 

Իտալիայի հավաքականը պատմության մեջ երկրորդ անգամ դարձել է Եվրոպայի չեմպիոն։ Առաջին անգամ իտալացիները հաղթել են 1968 թ.–ին, երբ եզրափակչում հաղթել են Հարավսլավիայի հավաքականին։–0–