Խոշոր ավտովթար Շիրակում. վիրավորների թվում 1 և 7 տարեկան երեխաներ են

ԵՐԵՎԱՆ, 8 հոկտեմբերի./Նովոստի–Արմենիա/. Այսօր՝ հոկտեմբերի 8-ին, խոշոր ավտովթար է տեղի ունեցել Շիրակի մարզում:

Shamshyan.com–ի հաղորդմամբ, ժամը 13:10-ի սահմաններում Գյումրի-Արմավիր ավտոճանապարհի 36-րդ կմ հատվածում բախվել են Էջմիածին քաղաքի բնակիչ 54-ամյա Բաբկեն Հ.-ի վարած Mercedes մակնիշի և Զիթհանքով գյուղի բնակիչ 60-ամյա Ցոլակ Ք.-ի վարած ՎԱԶ 2106 մակնիշի ավտոմեքենաները:

Վթարի հետևանքով վարորդներից Ցոլակ Ք.-ն, նրա ուղևորներ, համագյուղացիներ, 27-ամյա Լուսինե Ս.-ն, 7-ամյա Էլյա Ք.-ն, 1-ամյա Արտյոմ Ք.-ն մարմնական վնասվածքներով տեղափոխվել են Թալինի բժշկական կենտրոն:

Փաստի առթիվ նյութեր են նախապատրաստվում:–0–