«Կոշ» ՔԿՀ–ում հրդեհ է բռնկվել, ահազանգ ԱԻՆ–ում

ԵՐԵՎԱՆ, 5 մարտի./Նովոստի–Արմենիա/. Այսօր ահազանգ է ստացվել «Կոշ» քրեակատարողական հիմնարկում հրդեհի բռնկման մասին։

Ինչպես հաղորդում է ՀՀ ԱԻՆ Փրկարար ծառայությունը, մարտի 5-ին, ժամը 07:30-ին Ճգնաժամային կառավարման ազգային կենտրոն ահազանգ է ստացվել, որ Արագածոտնի մարզի «Կոշ» քրեակատարողական հիմնարկում հրդեհ է բռնկվել։

Դեպքի վայր է մեկնել ԱԻՆ ՓԾ մարզային փրկարարական վարչության լեռնափրկարարական ջոկատից երկու մարտական հաշվարկ։

Պարզվել է, որ հրդեհը բռնկվել է էլեկտրական ենթակայանում։

Հրդեհը մեկուսացվել է ժամը 08։10-ին, մարվել՝ 08։30-ին։–0–