Մահացել է Գյումրիում 4–րդ հարկից ընկած 6–ամյա երեխան

ԵՐԵՎԱՆ, 18 հուլիսի./Նովոստի–Արմենիա/. Մահացել է Գյումրիում՝ 8-րդ զինվորական թաղամասի շենքերից մեկի 4-րդ հարկից ընկած 6 տարեկան երեխան։ Այս մասին «Նովոստի–Արմենիա» գործակալությանը հայտնեց ՀՀ առողջապահության նախարարության մամուլի քարտուղար Ալինա Նիկողոսյանը։

Երեխան սկզբում տեղափոխվել է Գյումրիի «Մոր և մանկան ավստրիական հիվանդանոց, այնուհետև ռեանիմոբիլով տեղափոխվել Երևան՝ «Սուրբ Աստվածամայր» ԲԿ:

Ինչպես նախօրեին հայտնել էր «Սուրբ Աստվածամայր» ԲԿ–ի մամուլի քարտուղար Գևորգ Դերձյանը, երեխան ունեցել է զուգակցված վնասվածքներ, գանգի թաղի կոտրվածք, ներուղեղային արյունահոսություն, կրծքավանդակի սալջարդ, ողերի կոմպրեսիոն կոտրվածքներ, որովայնի սալջարդ և այլ վնասվածքներ, եղել է կոմայի մեջ։–0–