Օհանավան գյուղում որսորդական հրազենով կրակել են շանն ու դիպել 32–ամյա կնոջը

ԵՐԵՎԱՆ, 19 հոկտեմբերի./Նովոստի–Արմենիա/. Օհանավան գյուղում անհայտ անձը որսորդական հրազենով կրակել են շանն ու դիպել 32–ամյա կնոջը, հաղորդում է ՀՀ ոստիկանության մամուլի ծառայությունը։

Մեկնած օպերատիվ խմբի ծառայողները պարզել են, որ ժամը 16.30-ի սահմաններում անհայտ անձը Օհանավան գյուղի 6-րդ փողոցի տներից մեկի մոտ, որսորդական ողորկափող հրազենով կրակել է շան ուղղությամբ, ինչի հետևանքով 2 կոտորակ պատահաբար դիպել է տուժած կնոջը՝ պատճառելով վնասվածքներ:

Բացատրական աշխատանքի արդյունքում հրացանով կրակած անձը ինքնակամ ներկայացել է ոստիկանության Աշտարակի բաժին։

Նշանակվել է դատաբժշկական փորձաքննություն: Հանգամանքները պարզվում են: Նախապատրաստվում են նյութեր:–0–