Հինգ հասցեներ, որտեղից վաղը 08:00-ին կմեկնարկեն ավտոերթերը Երևանում

ԵՐԵՎԱՆ, 16 մայիսի./Նովոստի-Արմենիա/. ՀՀ ԱԺ փոխխոսնակ, «Հայաստան» ընդդիմադիր խմբակցության ներկայացուցիչ Իշխան Սաղաթելյանը Facebook-յան իր էջում հրապարակել է այն հասցեները, որտեղից վաղը՝ մայիսի 16-ին, ժամը 08:00-ին մեկնարկելու են ավտոերթերը:

1. Աշտարակի խճուղի` Կարմիր խաչի գրասենյակի դիմաց
2. Արտաշատի խճուղի` Կոնտինենտալի դիմաց
3. Երևան-Աբովյան մայրուղի` Փարավոն ռեստորանային համալիրի մոտ
4. Արգավանդի խճուղի` օդանավակայան տանող ճանապարհի գազալցակայանի մոտ
5. Արինբերդի խճուղի (Տեցի կռուգ)

Սաղաթելյանը կիրակի հանրահավաքի ժամանակ հայտարարեց, որ «Դիմադրություն» շարժումն առաջիկա օրերին պետք է իր ընդդիմադիր գործունեության մեջ դուրս կգա նոր մակարդակի վրա: Այսպես, երկուշաբթի՝ մայիսի 16-ին առավոտյան 08:00-ից անցկացվելու են ավտոերթեր և անհնազանդության ակցիաներ ողջ քաղաքում, ընդհուպ մինչև մետրոյի արգելափակում: Երեքշաբթի՝ մայիսի 17-ին կրկին ժամը 08:00-ից կմեկնարկեն անհնազանդության ակցիաները, որոնք կկազմակերպվեն 80-100 խմբերի ուժերով: Նույն օրը 19:30-ին Ֆրանսիայի հրապարակում տեղի կունենա հանրահավաք:-0-