Թուրքիան խախտում է ՆԱՏՕ–ի միասնականությունը. Պոմպեոն` Ղարաբաղում թուրքական սադրանքների մասին

ԵՐԵՎԱՆ, 1 դեկտեմբերի./Նովոստի–Արմենիա/. ԱՄՆ պետքարտուղար Մայքլ Պոմպեոն երեքշաբթի ՆԱՏՕ–ի անդամ երկրների ԱԳ նախարարների հետ հանդիպմանը, որն անցկացվել է տեսակոնֆերանսի ռեժիմում, հայտարարել է, որ Թուրքիան դեմ է հանդես գալիս Հյուսիսատլանտյան դաշինքի սկզբունքներին ու գործողություններին` այդ կերպով խախտելով դրա միասնականությունը։

Այս մասին հայտնել է Լուրերի աթենքյան–մակեդոնական գործակալությունը` հղում անելով հունական դիվանագիտական աղբյուրներին, հաղորդում է ՏԱՍՍ–ը։

«Մասնավորապես, նրանց խոսքերով, Պոմպեոն նշել է Թուրքիայի սադրիչ գործողությունները Արևելյան Միջերկրածովում, Լիբիայում, Սիրիայում և Լեռնային Ղարաբաղում», – նշվում է հաղորդագրության մեջ։

Անդրադառնալով Հունաստանի և Թուրքիայի հարաբերություններին` «նույն դիվանագիտական աղբյուրների համաձայն Պոմպեոն ընդգծել է, որ լարվածության թուլացման մեխանիզմը, որը Թուրքիայի մեղքով չի աշխատում, պետք է վերագործարկվի»։–0–