Ինչի հետ չարժե թեյ խմել. պարզաբանում է դիետոլոգը

ԵՐԵՎԱՆ, 6 նոյեմբերի./Նովոստի–Արմենիա/. Թեյը շատ օգտակար ըմպելիք է, որն հարուստ է հակաօքսիդանտներով։ Սակայն այն պետք է ճիշտ օգտագործել։

Մասնագետները խորհուրդ են տալիս չօգտագործել թեյը որոշ մթերքների հետ։

Այս մասին հայտնում է life.ru–ն` հղում անելով «Вечерняя Москва»–ին, որն էլ մեջբերում է բժիշկ–դիետոլոգ Ելենա Սոլոմատինայի խոսքերը։

Հակաօքսիդանտները բարենպաստ են ազդում սրտանոթային համակարգի վրա, խոչընդոտում են որոշ ուռուցքների առաջացմանն ու բարելավում են տեսողությունը։ Միաժամանակ թեյի ոչ բոլոր տեսակներն են նպաստում դրան։ Թփի գագաթից հավաքված տերևների թեյն ամենաբուրավետն է և պարունակում է ավելի շատ սննդարար նյութեր։

«Էլիտար մասը հավաքելուց հետո մնում է երկրորդ սորտը։ Թեյի փաթեթներում լցնում են արտադրության մնացորդներն`ամենամանր տերևները, իսկ երբեմն նաև արտադրական փոշին», – նշել է Սոլոմատինան։

Ինչ վերաբերում է թեյի օգտագործմանը հատուկ հավելումների հետ, ապա թեյը կարելի է օգտագործել անանուխի, կիտրոնի ձողիկների և մուրաբայի հետ։

«Մեղրը չարժե լցնել տաք ըմպելիքի մեջ, քանի որ բարձր ջերմաստիճանի հետևանքով մեղրը կորցնում է իր օգտական հատկությունները։ Նաև խորհուրդ չի տրվում խմել մեծ քանակի թեյ կաթով։ Բանն այն է, որ կաթը չեզոքացնում է թեյի օգտակար հակաօքսիդանտները, ինչը կարող է հանգեցնել խմորման և դիսկոմֆորտի», – պարզաբանել է Սոլոմատինան։

Մասնագետը նաև խորհուրդ է տվել ուշադրություն դարձնել թեյի արտադրության հասցեին և բուրավետիչների բացակայության փաստին։–0–