Ճապոնացի գիտնականները նշել են ավելորդ կիլոգրամներից ազատվելու պարզ միջոց

ԵՐԵՎԱՆ, 6 մարտի./Նովոստի–Արմենիա/. Ճապոնացի գիտնականները նշել են ավելորդ կիլոգրամներից ազատվելու պարզ միջոց։ Դրա համար բավարար է կանոնավոր կերպով խմել մաքուր ջուր, գրում է «Вечерняя Москва»–ն` հղում անելով Focus.de–ին։


Սենյակային ջերմաստիճանի ջուրը պետք է խմել արթնանալուց հետո` թեյի կամ սուրճի փոխարեն։   

Ջուրը խմելուց հետո պետք է լվանալ ատամները, իսկ 45 րոպե անց` նախաճաշել։ Խմած ջրի շնորհիվ սովի զգացումը կնվազի, և հնարավոր կլինի ուտել ավելի քիչ մթերք։ Նախաճաշի և սննդի հաջորդ ընդունման միջև պետք է անցնի առնվազն երկու ժամ։

Ջրի կանոնավոր ընդունումն ու բալանսավորված սնունդը նպաստում են ավելորդ քաշից ազատմանը։ Այս միջոցի շնորհիվ կարելի է կարգավորել ճնշումը, շաքարի մակարդակն արյան մեջ, ինչպես նաև հեռացնել տոքսիններն օրգանիզմից և կարգավորել նյութափոխանակությունը։–0–