ԵՐԵՎԱՆ, 5 ապրիլի./Նովոստի–Արմենիա/. Գարնանային տաքացումը չի ազդի կորոնավիրուսի տարածման տեմպերի վրա, կարծում է վիրուսաբան, Նյու Յորքի գիտությունների ակադեմիայի անդամ Անատոլի Ալտշտեյնը։
Загружается новость ... "Лево"
«Կարծում եմ, որ հիմա տեղի ունեցող եղանակային փոփոխությունը չի ազդի համաճարակի վրա և չի դանդաղեցնի դրա տարածումը։ Այն չի նվազեցնի և չի էլ ավելացնի տեմպերը», – հայտարարել է Ալտշտեյնը
URA.RU հրատարակությանը։
Ինչպես կարծում է վիրուսաբանը, COVID-19–ի դեմ պայքարի հարցում եղանակից կարող ենք օգնություն սպասել ամռանը։ Տաք եղանակն ազդում է ոչ թե վիրուսի, այլ մարդկանց վրա։
«Շնչառական հիվանդությունների համաճարակները սովորաբար տեղի են ունենում տարվա ոչ տաք եղանակներին։ Դա տեղի է ունենում ոչ թե այն պատճառով, վիրուսը մահանում է ջերմաստիճանի բարձրացումից, այլ այն պատճառով, որ նվազում է վիրուսի նկատմամբ մարդկանց հակվածությունը, ամռանը մենք ավելի քիչ ենք ենթարկվում շնչառական հիվանդություններին», – ավելացրել է Ալտշտեյնը։
Նրա խոսքով, քաղաքացիների ինքնամեկուսացումն ու ինֆեկցիայի դեմ կիրառվող պայքարի այլ միջոցները տալիս են իրենց արդյունքները, և շուտով COVID-19–ի տարածումը Ռուսաստանում կարող է դանդաղել։–0–