ԵՐԵՎԱՆ, 29 մարտի․/Նովոստի–Արմենիա/․Ծանրամարտի աշխարհի առաջնությունը տեղի կունենա Երևանում։
Այս մասին հայտնել է ՀՀ վարչապետի աշխատակազմի ղեկավար Արայիկ Հարությունյանը Facebook–յան իր էջում։
Հարությունյանը նշել է, որ քիչ առաջ Ծանրամարտի միջազգային ֆեդերացիան որոշում ընդունեց 2027 թվականի աշխարհի առաջնության անցկացման իրավունքը տալ Հայաստանին:
Загружается новость ... "Лево"
«2023-ի Ծանրամարտի Եվրոպայի առաջնության բացման արարողության ժամանակ տեղի ունեցած անմիտ արարքից հետո Ծանրամարտի միջազգային ֆեդերացիան լուրջ մտահոգություն էր հայտնել տեղի ունեցածի առիթով, և սա պատճառ էր, որ մենք չստանանք 2024-ի աշխարհի առաջնությունը, ինչը մեծ հարված էր մեր սպորտին: Բայց ամիսներ տևած մեր հետևողական աշխատանքի արդյունքում այդ խնդիրն էլ կարող ենք համարենք լուծված», – նշել է Հարությունյանը։
Նշենք, որ 2023թ․–ի ապրիլի 14–ին Մարզահամերգային համալիրում տեղի ունեցավ Ծանրամարտի Եվրոպայի առաջնության բացման արարողությունը, որի ժամանակ դիզայներ Արամ Նիկոլյանն
այրեց Ադրբեջանի դրոշը։–0–